Æskulýðsmótið Friðrik er mót þar sem unglingadeildir KFUM og KFUK eiga frábærar stundir saman. Þar kynnumst við öðru ungu fólki og tökum þátt í skemmtilegri dagskrá með boðskap Jesú Krist að leiðarljósi.

Á laugardeginum verður haldið Landsþing unga fólksins. Þar gefst ungu fólki í KFUM og KFUK kostur á því að koma sínum hugmyndum um starf KFUM og KFUK á framfæri.

Mótið sem haldið verður í Vatnaskógi 17.–19. febrúar er árlegur viðburður í starfi KFUM og KFUK.

fridriksmynd-1

Hvað verður gert?

Dagskráin er stútfull af allskonar fjöri. Það er nóg í boði fyrir alla, þar á meðal kvöldvökur, workshop, Landsþing unga fólksins, hátíðarkvöldverður, ball með hljómsveitinni Sálmara, brennómót og margt, margt fleira.

Aldur?

Mótið er fyrir unglinga í 8.–10. bekk grunnskóla.

Hvenær?

Lagt verður af stað frá KFUM og KFUK húsinu Holtavegi 28 föstudaginn 17. febrúar kl. 17.30. Komið verður heim á sunnudeginum kl. 13:30.

Brottför frá öðrum stöðum verður auglýst þegar nær dregur móti.

Verð og skráning

Verð á mótið er 16.000 kr. Innifalið er gisting, matur, rútuferðir og MÓTSBOLUR (fyrir þá sem skrá sig tímalega). Skráning og greiðslur fyrir mótið fer alfarið fram á netinu, á bókunarvef KFUM og KFUK www.sumarfjor.is.

Skráning opnar mánudaginn 9. janúar 2017. Allra síðasti skráningardagur er mánudagurinn 13. febrúar. Ekki verður hægt að skrá fleiri á mótið eftir það.

ATH! Til að fá mótsbol, þarf að vera búið að skrá sig fyrir 6. febrúar 2017.

Hvað þarf að taka með?

Svefnpoka eða sæng og kodda, lak, snyrtivörur, hlý föt og útiföt, íþróttaföt, sundföt, handklæði, góða skó og auðvitað GÓÐA SKAPIÐ!

Nánari upplýsingar

Allar nánari upplýsingar um mótið má fá hjá leiðtogum hverrar deildar, en einnig er hægt að hafa samband við Unni Ýr æskulýðsfulltrúa KFUM og KFUK, í síma 692-4129 eða á netfanginu: unnur@kfum.is

Mótsstjórn

  • Ásgeir Þór Þorvaldsson
  • Björn Kristinn Jóhannsson
  • Elvar Geir Sigurðsson
  • Guðbjörg Ylfa Hammer
  • Ósk Dís Kristjánsdóttir

Instagram: #fridrik17
Snapchat: fridriksmot
Facebook: https://www.facebook.com/fridriksmot/

Annað kynningarefni