Breytingar í starfsmannahópnum

  • Þriðjudagur 5. apríl 2011
  • /
  • Fréttir

Nú um mánaðarmótin lét af störfum hjá KFUM og KFUK á Íslandi, Kristný Rós Gústafsdóttir, æskulýðsfulltrúi. Kristný kom til starfa um mitt síðasta ár en stefnir nú á að flytjast til baka á heimaslóðir í Ólafsvík. Við þökkum Kristnýju ánægjuleg kynni og góð störf í þágu félagsins og óskum henni velfarnaðar.
Í hennar stað hefur verið ráðin til starfa, Hjördís Rós Jónsdóttir, sem nú í vor útskrifast frá Háskóla Íslands með Master í félagsráðgjöf. Hjördís Rós er félagsfólki að góðu kunn, enda hefur hún starfað um nokkurra ára skeið í félaginu, einkum í stjórn Ölvers en jafnframt var hún verkefnastjóri fyrir Pragferðina 2008. Hjördís kemur til starfa 1. júní n.k. og bjóðum við hana hjartanlega velkomna í starfsmannahópinn.