Æskulýðsmótið Friðrik

///Æskulýðsmótið Friðrik
Hleð Viðburðir
Þessum viðburði er lokið.

Æskulýðsmótið Friðrik er mót þar sem unglingadeildir KFUM og KFUK eiga frábærar stundir saman. Þar kynnumst við öðru ungu fólki og tökum þátt í skemmtilegri dagskrá með boðskap Jesú Krists að leiðarljósi. Mótið, sem haldið verður í Vatnaskógi helgina 22.–24. febrúar er árlegur viðburður í starfi KFUM og KFUK. Mótið er fyrir unglinga í 8.–10. bekk grunnskóla sem taka þátt í starfi KFUM og KFUK.

Dagsetningar og tími

Lagt verður af stað frá KFUM og KFUK húsinu, Holtavegi 28, föstudaginn 22. febrúar kl. 17.30. Komið verður heim á sunnudeginum kl. 13:00. Brottför frá öðrum stöðum verður auglýst þegar nær dregur móti. Dagskráin er stútfull af allskonar fjöri og það er nóg í boði fyrir alla. Má þar nefna kvöldvökur, workshops, íþróttir, hátíðarkvöldverð, Svínadalsballið, orrustu og margt fleira.

Verð og skráning

Verð á mótið er 16.900 kr. Innifalið er gisting, matur og rútuferðir. Skráning og greiðsla fyrir mótið fer alfarið fram á netinu, á bókunarvef KFUM og KFUK: www.sumarfjor.is. Skráning opnar mánudaginn 28. janúar. Allra síðasti skráningardagur er sunnudaginn 17. febrúar. Ekki verður hægt að skrá fleiri á mótið eftir það.

Hvað þarf að taka með?

Svefnpoka eða sæng og kodda, lak, snyrtivörur, hlý föt og útiföt, íþróttaföt, sundföt, handklæði og góða skó.

Nánari upplýsingar

Allar nánari upplýsingar um mótið má fá hjá leiðtogum hverrar deildar, en einnig er hægt að hafa samband við Gunnar Hrafn æskulýðsfulltrúa KFUM og KFUK, í síma 862-0611 eða á netfangið: gunnar@kfum.is

IcelandicEnglishSpanishPolishEstonianLatvianLithuanianUrdu