Sunnudaginn 18. desember næstkomandi stendur KSF, Kristilegt stúdentafélag, fyrir aðventukaffi í sal SÍK, Háaleitisbraut 58 – 60, 3. hæð. Opið verður frá kl. 14 – 17 og verður kaffihlaðborð í boði sem kostar 1000 kr. fyrir fullorðna en 500 kr. fyrir börn.

Lifandi tónlist verður í boði hljómsveitarinnar Tilviljun? og stórsveitar KSS. Söluborð verður með smákökum og sælgæti fyrir jólin, nýútgefinni jólauppskriftabók KSF og fleiru.

Happdrætti verður á staðnum með frábærum vinningum meðal annars frá Bláa lóninu, Lýsi, Tokyo Sushi, Garðheimum, snyrtistofunni Paradís og Eddu.

Allir eru hjartanlega velkomnir í aðventukaffi KSF!