Stærsta verkefnið í gær var hermannaleikurinn eða klemmuleikurinn eins og hann er stundum kallaður. Drengjunum var skipt í tvo hópa og héldu hóparnir sína leiðina hvor á sólarströnd Skógarmanna við Oddakot. Þar mættust þeir í miklum bardaga. Í lok bardagans bauðst drengjunum að vaða út frá sandströndinni okkar eða elta „skógarskrímslið“ og ná af því „höfuðleðrinu“.
Það hefur samt fjölmargt fleira verið á dagskrá, PUMA-bikarkeppnin í knattspyrnu, handboltamót, borðtenniskúlublástur, tímaskyn, stangatennis, bátsferðir, smíðastofa, billiard og kvöldvökur svo fátt eitt sé nefnt.