Laugardagana 14. og 21. maí verða haldnir vinnuflokkar í Vindáshlíð, sumarbúðum KFUM og KFUK í Kjós.
Unnið verður að skógræktarmálum og þrifum innanhúss. Von er á sjálfboðaliðum frá Auði Capital báða dagana, og félagsfólk er sérstaklega hvatt til að taka þátt.
Vinnan í vinnuflokkunum er mikilvægur liður í því að undirbúa Vindáshlíð fyrir sumarstarfið, sem hefur brátt göngu sína.
Mæting er kl. 9:30 báða laugardagana, og reiknað er með að unnið verði til um kl.16:00.
Í vinnuflokkunum verður boðið upp á ljúffengan mat fyrir sjálfboðaliða. Allir eru hjartanlega velkomnir!