Heimanfylgja Hallgríms Péturssonar: Spennandi umfjöllun á KFUM-fundi í kvöld!

Í kvöld, fimmtudaginn 27. janúar verður fundur hjá AD (Aðaldeild) KFUM kl.20 í félagshúsi KFUM og KFUK að Holtavegi 28 í Reykjavík.
Umfjöllunarefni kvöldsins er einkar áhugavert, en Steinunn Jóhannesdóttir rithöfundur mun heiðra fundargesti með nærveru sinni og fjalla um bók sína ,,Heimanfylgju“, sem fjallar um bakgrunn og heimanfylgju sálmaskáldsins Hallgríms Péturssonar. Kári Geirlaugsson flytur upphafsbæn og séra Jón Dalbú Hróbjartsson stjórnar fundinum og flytur hugvekju.
Að fundi loknum verða að venju kaffiveitingar og kaffi í boði á vægu verði. Allir karlar eru hjartanlega velkomnir.