3. flokkur Vatnaskógar er í fullum gangi. Í gær föstudag voru hoppukastalar í miklu hlutverki. En bátar, fótbolti, íþróttir og kvikmyndagerð eru einnig vel sóttir viðburðir. Í þessum skrifuðu orðum er nokkur úði og smá gola.
Í dag er samt stefnan sett á "Hermannaleik" sem er í raun klemmuleikur þar sem skipt er í tvö lið og felst leikurinn í því að ná klemmu sem klemmd er á handlegg hvers og eins eftir ákveðnum reglum. Hver veit nema að "Skógardýrin" láti sjá sig og muni síðan flýja undan tæplega 100 mjög svo ákveðnum drengjum.
Í hádegismat er hakk og spaghetti en þess má geta að fimm máltíðir eru á dag, þannig að enginn ætti að verða svangur.
HÉR ERU MYNDIR FRÁ 18. JÚNÍ.
