Stelpur í stuði

Stelpur í stuði2018-03-01T10:15:02+00:00

Hlíðarmeyjar í Vindáshlíð bjóða uppá sumarbúðir fyrir 10-12 ára stúlkur með athyglisbrest, ofvirkni og skyldar raskanir.

Að þessu sinni verður flokkurinn Stelpur í stuði frá 30. júlí og til 2. ágústs.

Skráningarform fyrir flokkinn er hægt að nálgast hér fyrir neðan.

Markmið Stelpna í stuði

Markmiðið með Stelpum í stuði er að bjóða þennan hóp stúlkna velkominn í sumarbúðir í Vindáshlíð þar sem þörfum þeirra verður mætt á skilningsríkan og uppbyggilegan hátt.

Aðstaðan í Vindáshlíð

Vindáshlíð er frábær staður fyrir kraftmiklar og vaskar stúlkur. Þar íþróttahús, fótboltavöllur, frábærar gönguleiðir, ævintýralegur skógur, bókasafn ofl. Dagskráin í Vindáshlíð er fjölbreytt og samanstendur af frjálsum dagskrártilboðum, kvöldvökum, kristinni fræðslu, söng, mikilli útiveru og reglulegum matartímum. Dagsskipulag Vindáshlíðar er afar heppilegt fyrir stúlkur með ADHD vegna þess að ramminn er skýr, þau hafa sitt sæti við sitt borð í matsalnum og hafa hver sína bænakonu/umsjónarkonu í svefnsal og herbergjum. Matartímar eru mjög reglulegir. Fjölmörg tilboð um viðfangsefni sem mæta ólíkum áhugasviðum. Mun fleiri starfsmenn verða í þessum flokk en í hefðbundnum flokkum og því auðveldara að mæta hverri og einni á hennar forsendum.

Umsóknir

Fyrirkomulag á skráningu í Stelpur í stuði (og Gauraflokki í Vatnaskógi) er þannig:

1. Sótt er um dvöl á heimasíðu KFUM og KFUK.  Farið verður yfir umsóknir í þeirri röð sem þær berast og með hliðsjón af markhópi Stelpna í stuði. Öllum umsóknum verður svarað. Opnað verður fyrir umsóknir 1. mars.

2. Forsvarsmenn flokksins yfirfara umsóknir og síðan er haft samband við foreldra þar sem þeim er tilkynnt hvort barnið þeirra kemst í flokkinn eða ekki.

3. Barnið skráð í flokkinn.

Gert er ráð fyrir að taka á móti 15-20 stúlkum í flokkinn.

Brottför – heimkoma

Farið er frá húsi KFUM og KFUK, Holtavegi 28, kl. 10:00 og heimkoma á sama stað um kl. 14:00 (annar heimkomutími en í hefðbundnum flokkum).

Nánari upplýsingar

Frekari upplýsingar um starfið í Vindáshlíð má fá í síma 588-8899.

Skráning í Stelpur í stuði





  •   Já
      Nei
  •   Já
      Nei
  •   Já
      Nei


  •   Mikil
      Hæfileg
      Lítil
      Óregluleg
      Mjög óregluleg
  •   Já
      Nei
  •   Já
      Nei
  •   Já
      Nei

  •   Já
      Nei
  •   Já
      Nei
  •   Já
      Nei