Haustferð yngri deilda KFUM og KFUK og leikjafjörs verður föstudaginn 15. fram á laugardaginn 16. nóvember í Vatnaskógi. Ferðin er skipulögð fyrir 9-12 ára börn ásamt leiðtogum úr KFUM og KFUK deildum. Á dagskrá í sumarbúðunum verður kvöldvaka, íþróttir, leikir, gönguferð, söngstundir, samverur, skógarferðir og margt, margt, fleira.
Þátttakendur þurfa að taka með íþróttaföt, inniskó, náttföt, svefnpoka, tannbursta og tilheyrandi, góðan og hlýjan útivistarfatnað og gott skap!
Nánari upplýsingar um mótið má fá hjá leiðtogum í starfi KFUM og KFUK og hjá æskulýðsfulltrúum KFUM og KFUK á Holtavegi, s. 588-8899.
