Hleð Viðburðir

Fjöldi ungmenna yngri en 18 ára taka þátt í sumarstarfi KFUM og KFUK sem sjálfboðaliðar. Þó svo þeir beri ekki ábyrgð (eða lagalegar skyldur) sem starfsmenn, skipir miklu máli að þeir séu vel undirbúnir fyrir hlutverk sitt. Á námskeiðinu verður farið yfir grundvallarþætti þess að starfa í sumarbúðum, m.a. samskipti við börn og samstarfsfólk. 

Umsjón með námskeiðinu hefur Hjördís Rós Jónsdóttir félagsráðgjafi. 

ATH! Við viljum að forráðamenn sitji þennan fund með okkur.

Skráning á námskeiðið er á Sumarfjor.is

Boðið er upp á létta máltíð á námskeiðum sem haldin eru á kvöldmatartíma.

KFUM og KFUK gerir miklar kröfur til starfsfólks síns. Hæft starfsfólk er lykillinn til að tryggja gæði, öryggi og vellíðan þátttakenda í KFUM og KFUK.  Skyldur og kröfur til þeirra sem starfa með börnum og unglingum aukast jafnt og þétt með hverju ári.  Til að hjálpa starfsfólki og sjálfboðaliðum sumarsins að uppfylla þær kröfur og væntingar sem gerðar eru til þeirra, stendur KFUM og KFUK fyrir nokkrum mikilvægum námskeiðum. Að sækja námskeiðin eru góð fjárfesting til framtíðar.  Reynslan sýnir að sú þekking sem fólk nemur gagnast þeim víða í lífnu.  Þá eru námskeiðin einnig góður vettvangur til að kynnast samstarfsfólki sumarsins. Fólk úr stjórnum sumarbúða KFUM og KFUK er velkomið á öll námskeiðin.

Skráning á námskeiðið er á Sumarfjor.is

Upplýsingar

Dagsetning:
4. maí
Tími:
18:00 - 20:00
Viðburðaflokkur:
Viðburðatög:

Staðsetning

KFUM og KFUK Sunnuhlíð
Sunnuhlíð 12
Akureyri, 603 Iceland
+ Google Map
Sími:
462-6330