KFUM og KFUK stendur fyrir skemmtilegum og fjörugum leikjanámskeiðum í sumar. Þar sem lagt er áhersla á aukinn
þroska, líkama, sálar og anda. Leikjanámskeiðin eru ætluð börnum á aldrinum 6-9 ára. Mikil áhersla lögð á vináttu, kærleika, virðingu
hvert fyrir öðru og unnið með kristið siðferði í hugsunum, orðum og gjörðum.

Leikjanámskeiðin verða haldin í Lindakirkju í Kópavogi, Félagsheimili KFUM og KFUK Reykjanesbæ (Hátún 36) og Félagsheimili KFUM og KFUK á Akureyri (Sunnuhlíð 12)

SKEMMTILEGIR OG FJÖRUGIR DAGAR
Á hverjum degi er boðið upp á vandaða og fjölbreytta dagskrá. Má þar nefna útivist, föndur, íþróttir, leiki, vettvangsferðir og fræðslu um lífið og tilveruna út frá kristilegu sjónarmiði. Lögð er áhersla á að hvert barn fái að njóta sín sem best við leiki og störf. Síðasta dag námskeiðis er boðið upp á uppskeruhátíð þar sem grillaðar verða pylsur og safi.

Námskeiðin standa frá kl. 9:00- 16:00*(Akureyri til kl.15:00) og húsnæðin opna kl. 8:45.Börnin hafa sjálf með sér nesti fyrir allann daginn; morgunkaffi, hádegismat og síðdegiskaffi. Mælt er með hollu og næringaríku nesti.

Skráninginn hafinn inn á sumarfjor.is