Birt með fyrirvara um mögulegar breytingar vegna aðgerða stjórnvalda.

Starf yngri deilda KFUM og KFUK fer í ferð í Vatnaskóg, þar sem gist verður yfir nótt. Brottför er miðvikudaginn 22. apríl og heimkoma fimmtudaginn 23. apríl (sumardagurinn fyrsti).

Í vorferðinni gefst krökkunum tækifæri á að taka þátt í skemmtilegri dagskrá, fræðast um Guð og eignast nýja vini. Á staðnum verður farið í margs konar leiki, ævintýraleik, borðtennis, fótboltaspil, þythokkí og fleiri íþróttir. Þá verður kvöldvaka, helgistund, náttfatapartý og fleira.

Vorferð KFUM og KFUK er kjörið tækifæri fyrir krakkana að kynnast sumarbúðum KFUM og KFUK.

Skráning í ferðina er á www.sumarfjor.is (mikilvægt er að velja rétta starfsstöð).