Alþjóðaráð KFUM og KFUK hvetur leiðtoga og áhugasamt félagsfólk að sækja um ráðstefnu um réttindi ungs fólks sem haldin verður í Róm í október. Ráðstefnan er haldin af Evrópusambandsráðinu í samvinnu við European Youth Forum. Á ráðstefnunni verður fjallað um aðgengi ungs fólks að réttindum sínum og hvernig það getur eflt sjálfræði sitt.

Nafn viðburðar:  EU Youth Conference: For Youth Rights
Skipuleggjandi: Evrópski æskulýðsvettvangurinn (European Youth Forum) og Evrópusambandsráðið (Council of the European Union)
Dagsetning: 13. – 16. október 2014
Staðsetning: Róm, Ítalíu
Kostnaður sem fellur á þátttakanda: 10.000 kr.
Aldurstakmörk: 18-30 ára

Nánari upplýsingar:

Ráðstefnan er einkum ætluð þeim sem vinna sem leiðtogar í æskulýðsstarfi og þeim sem hafa áhuga á stefnumótun í málefnum ungs fólks í Evrópu. Þátttakendur verða um 250, frá allri Evrópu. Eins og nafn ráðstefnunnar gefur til kynna verður aðalumræðuefnið réttindi ungs fólks í Evrópu og aðgengi að þeim réttindum en einnig verður fjallað um hvernig hægt sé að efla stjórnmálaþátttöku ungs fólks. Niðurstöður ráðstefnunnar verða svo nýttar við stefnumótun.

Ráðstefnan sjálf byggir á fyrirlestrum, work-shops og umræðutímum.

Þátttakendur verða að hafa gott vald á ensku, þekkja eitthvað til ungmennastefnu Evrópusambandsins og verða að vera tilbúnir að taka fullan þátt í ráðstefnunni.

Skipuleggjendur ráðstefnunnar útvega og greiða fæði og uppihald á staðnum ásamt ferðakostnaði til og frá Róm. Kostnaður þátttakenda er 10.000 kr. umsýslugjald til KFUM og KFUK á Íslandi.

Umsóknarfrestur: 9. ágúst 2014.

Alþjóðaráð KFUM og KFUK á Íslandi mun fara yfir umsóknirnar og velja úr. Allir umsækjendur verða látnir vita hvort þeir hafi komist að eða ekki. Að lokum mun KFUM og KFUK sækja um að fá að senda viðkomandi einstaklinga á námskeiðið.
Þegar farið er í gegnum umsóknir sem berast fyrir þátttöku á viðburðum erlendis á vegum Alþjóðaráðs KFUM og KFUK á Íslandi eru nokkur atriði sem spila inn í valið á þátttakanda.

-Sú þekking sem af viðburðunum hlýst þarf að nýtast þeim einstaklingi sem það sækir og félaginu í heild.
-Einstaklingurinn þarf að vera virkur sjálfboðaliði og/eða starfsmaður innan félagsins, þekkja stefnu þess og starf og bera hag þess fyrir brjósti.
-Valið byggir að mestu leyti á þeirri umsókn sem umsækjendur skila inn. Gæði umsóknar og vandvirkni við vinnslu hennar skipta miklu máli.
-Reynt er að kynna sér einstaklinginn með því að spyrjast fyrir um hann.
-Þekking, reynsla eða sérstakur áhugi á því sem námskeiðið fjallar um er ávallt plús.

Ef óskað er eftir nánari upplýsingum hafið samband við Önnu Elísu með tölvupósti á annae89(hjá)gmail.com

Umsókn um þátttöku á námskeiðinu

[form utlond]