Fundaraðstaða og veislur í Vindáshlíð í Kjós

Í Vindáshlíð er kjörið að halda fundi eða veislur fjarri skarkala borgarinnar. Fundaraðstaða er fyrir 10-80 manns. Á neðri hæð er 100 fm salur með upphækkuðu sviði, ræðupúlti, píanói, skjávarpa og sýningartjaldi. Þar eru einnig fjögur smærri fundarherbergi.

Á aðalhæð er 70 fm matsalur sem tekur áttatíu manns í sæti. Úr matsal er innangengt í 30 fm hlýlega setustofu.

Ferðalag í Vindáshlíð að vetri til

Vindáshlíð í Kjós býður upp á skemmtilega aðstöðu fyrir börn í leik og starfi. Tilvalið er fyrir barnakóra, skóla, íþróttafélög og hvers konar æskulýðsfélög að nýta aðstöðu Vindáshlíðar þegar haldið skal út fyrir bæinn.

Í Vindáshlíð eru ellefu svefnherbergi með svefnpokaplássi í góðum kojum. Á neðri hæð eldra hússins eru þrjú sex manna herbergi. Á efri hæð eldra húsins eru fimm tveggja manna herbergi og eitt eins manns herbergi. Í nýrri hluta hússins eru átta átta manna herbergi. Á aðalhæð eldra hluta hússins er auk þess 70 fm matsalur sem tekur áttatíu manns í sæti. Eldhúsið er búið allra nýjustu tækjum.

Í Vindáshlíð er lítil kirkja. Hún tekur 60 manns í sæti. Vinsamlega látið skrifstofu vita ef óskað er eftir aðgangi að henni.

Íþróttahúsið er ekki í notkun yfir vetrartímann.

Gjaldskrá og nánari upplýsingar  (Gildir frá 1. janúar 2011)

Eldra hús: Gisting fyrir 28-30 manns.

  • 1 nótt= 65.000 kr. Hver nótt eftir það 50.000
  • Ef óskað er eftir þrifum bætist við kr. 30.000.-

Allt húsið: Gisting fyrir 90 manns.

  • 1 nótt= 130.000 kr. Hver nótt eftir það 100.000
  • Ef óskað er eftir þrifum bætist við kr. 50.000

Staðinn er einungis hægt að bóka með því að greiða staðfestingargjald, kr. 30.000 við pöntun. Bæði er hægt að borga með millifærslu eða kreditkorti hjá Þjónustumiðstöð KFUM og KFUK. Staðfestingargjald fæst ekki endurgreitt.

Athugið!!!

Öll neysla áfengra drykkja og annarra vímugjafa er stranglega bönnuð. Reykingar eru ekki leyfðar innandyra og eru reykingamenn vinsamlega beðnir um að henda ekki stubbum úti.

Gert er ráð fyrir góðri umgengni þeirra sem dvelja á staðnum. Gestir eru beðnir um að ganga frá á staðnum eins og þeir koma að honum

Nánari upplýsingar og skráning í síma 588 8899