KFUM og KFUK á Íslandi annast margvíslega útgáfu í tengslum við starf félagsins. Á hverju ári er gefið út fræðsluefni annars vegar fyrir sumarstarfið og hins vegar fundarstarfið að vetri þar sem leitast er við að fjalla um mikilvægi kristinnar trúar fyrir líf þátttakenda í starfinu.

Félagið gefur út handbækur fyrir starfsfólk og sjálfboðaliða, með upplýsingum um vinnuferla og reglur félagsins, meðal annars í sumarbúðastarfinu og hvar annars staðar í starfi með börnum og unglingum.

Þá gefur KFUM og KFUK út kynningarefni á hverju ári. Við upphaf sumarstarfsins hefur mörg undanfarin ár komið út glæsilegt blað með dagskrá sumarstarfsins og í vetrarbyrjun hefur verið gefið út kynningarefni fyrir vetrarstarfið.

Fréttabréf KFUM og KFUK kemur út sex sinnum á ári og flytur fréttir af fundum og viðburðum í starfinu. Þá gefur félagið út veglega árskýrslu þar sem hægt er að fá greinargott yfirlit um allt starf á vegum félagsins. Skýrslan kemur út í tengslum við Landsfund KFUM og KFUK í apríl ár hvert.