KFUM og KFUK verður með leikjanámskeið í Lindakirkju í Kópavogi. Þá verða leikjanámskeið á vegum KFUM og KFUK í Reykjanesbæ.

Markmið leikjanámskeiðanna er að bjóða börnum á aldrinum 6-9 ára upp á metnaðarfullt sumarstarf þar sem lögð er áhersla á aukinn þroska líkama, sálar og anda. Mikið er lagt upp úr því að mæta hverju barni á eigin forsendum og því mikil áhersla lögð á vináttu, kærleika, virðingu hvert fyrir öðru og unnið með kristið siðferði í hugsunum, orðum og gjörðum.

Á hverjum degi er boðið upp á skemmtilega og fjölbreytta dagskrá. Má þar nefna útivist, föndur, íþróttir, ferðir, leiki og fræðslu um lífið og tilveruna út frá kristilegu sjónarmiði. Lögð er áhersla á að hvert barn fái að njóta sín sem best við leiki og störf. Í námskeiðsgjaldi felst allur kostnaður við námskeiðin, m.a. ferðakostnaður og föndurefni. Börnin hafa sjálf með sér nesti.

Námskeiðin standa frá kl. 9:00-16:00 en boðið er upp á gæslu:

  • Lindakirkja: frá kl. 8:00-9:00 og 16:00-17:00
  • Reykjanesbær: frá kl. 8:30-9:00 og 16:00-16:15

Netskráning leikjanámskeiða.

 

Hafðu samband

Hægt er að hafa samband við starfsmenn leikjanámskeiðanna á meðan námskeiðin eru í gangi í eftirfarandi símanúmerum. Athugið þó að þjónustumiðstöð KFUM og KFUK sér um öll skráningarmál.

  • Reykjanesbær: 618-3390/661-6828
  • Lindakirkja: 544-4477/665-2892
  • Þjónustumiðstöð KFUM og KFUK á Íslandi: 588-8899

Annað