Dagur á leikjanámskeiði

Dæmigerður dagur á leikjanámskeiðum hefst klukkan 09:00.  Þá gefst börnunum tími til dundurs og leikja.  Þegar allir eru mættir á staðinn er lagt af stað á vit ævintýranna.  Farið er í bæjarferðir þar sem heimsótt eru söfn og fjölskyldugarðar eða  farið í Survivorleiki, fjársjóðsleit eða óvissuferð.  Á föstudögum er alltaf haldin sumarhátíð.  Þá eru grillaðar pylsur, leiðtogarnir sjá um andlitsmálun og farið er í leiki.

Klukkan 12:30 er tekið hlé á dagskránni fyrir hádegismat.  Eftir hádegismat er svo dagskránni haldið áfram en venjulega er hópurinn kominn aftur á sinn stað milli 15:00 og 15:30 og þá er síðasti nestispakkinn opnaður.  Leiðtogarnir sjá svo um leiki til 16:00 þegar allir fara glaðir heim til sín.

Kl. 8 - 9 og 16 - 17 geta börnin verið í gæslu utan dagskrár í umsjá leiðtoga og er greitt sérstaklega fyrir það.

Á hverjum degi er einhver leiðtoganna með stutta stund þar sem hann ræðir við börnin um ákveðið málefni.  Það geta verið siðferðilegar spurningar, framkoma við aðra eða biblíusögur.  Börnin kanna málefnið í gegnum sögur, leiki, verkefni eða þrautir.

Dagskrá hverrar viku er afhent foreldrum á mánudegi. Dagskráin er skipulögð þannig að barn getur verið á þremur námskeiðum þess að fara í gegnum nákvæmlega sömu dagskrána.