Halldór Elías Guðmundsson


Halldór Elías eða Elli er fræðslufulltrúi Pilgrim Congregational UCC kirkjunnar í Cleveland, Ohio. Hann fékk nú í vetur knattspyrnudómararéttindi fyrir barna- og unglingaleiki hjá Knattspyrnusambandi Bandaríkjanna (US Soccer) og þjálfaði stráka í knattspyrnu um nokkurra ára skeið fyrir Shaker Youth Soccer Association.

Elli hefur 26 ára reynslu af sumarbúðastarfi í Vatnaskógi. Hann hefur tekið vakt með lögreglunni í miðborg Detroit, kynnti sér sjálfboðaliðastörf við uppbyggingu í New Orleans eftir Katrína fellibylinn og glataði sérmerktu Vatnaskógarflíspeysunni sinni þegar hótelherbergið hans hrundi saman á Haiti í jarðskjálfta í janúar 2010.

Elli trúir á mikilvægi þess að prófa sig áfram og hræðast ekki mistök. Því að ef við gerum allt rétt, þá gerum við ekkert nýtt.

Sumarið 2017 verður Elli forstöðumaður í Vatnaskógi í 4., 5., 7. og 8. flokki og helmingur forstöðufólksteymisins í stúlknaflokki (9.).

Halldór Elías er stúdent úr Menntaskólanum í Reykjavík 1992, lauk BA prófi í guðfræði 1997 og var vígður sem djákni sama ár. Hann lauk meistaranámi í guðfræði með áherslu á kristilegt safnaðarstarf frá Trinity Lutheran Seminary 2008, lauk rannsóknarnámi í kirkjustjórnun við sama skóla 2010 og hefur starfað m.a. sem æskulýðsfulltrúi KFUM og KFUK, framkvæmdastjóri Æskulýðssambands kirkjunnar í Reykjavíkurprófastsdæmum, framkvæmdastjóri Grensáskirkju og í hlutastarfi sem sérfræðingur hjá Healthy Congregations Inc. í Columbus Ohio. Halldór Elías kom í fyrsta sinn í Vatnaskóg 1982 og hefur verið starfsmaður þar með hléum frá árinu 1991. Hann hefur verið giftur í rúmlega 20 ár og á tvö börn, Önnu og Tómas.