www.kfum.is - RSS feed

AD Fundur í kvöld

arsaell@kfum.is — Thu, 11 Mar 2010 12:28:00 +0000

Fundur Aðaldeildar KFUM

Efni:Með hvaða hugarfari höldum við út í daginn? - Nálægð Guðs og gildi hugsjóna sr. Friðrik

Stjórnun: Sigurbjörn Þorkelsson
Upphafsorð: Arnar Ragnarsson
Efni: Hermann Gunnarsson (Hemmi Gunn.)
Hugvekja: Sr. Guðni Már Harðarson

Vormót YD

haukur@kfum.is — Thu, 11 Mar 2010 11:43:00 +0000

Á morgun fara á annaðhundrað börn í Vindáshlíð og Vatnaskóg til að skemmta sér saman og fagna komu vorsins. Stúlkurnar fara í Vindáshlíð og drengirnir fara í Vatnaskóg. Ég get lofað frábærri skemmtun og miklu stuði á báðum stöðum.

Gott er að taka með sér!

Svefnpoka eða sæng

Kodda, Náttföt, Tannbursta, Tannkrem, Hársápu, Sundföt, Handklæði, Auka sokka, Auka brækur, Auka buxur, Auka bol, Auka peysu, Hlýa peysu, Úlpu, Vettlinga, Húfu, Góða skó, Innanhússkó, íþróttaföt, Vasaljós, Góða skapið, Nýja testamentið.

EKKI taka þetta með!

Nammi, Ipod, MP3, geislaspilara, tölvuspil, GSM-síma, Tölvu, hníf og annað sem foreldrar telja óæskilegt í svona ferð.

KFUM og KFUK ber ekki ábyrgð á þeim hlutum sem barnið hefur með í för.

(drög) Dagskrá YD mót 2010

Föstudagurinn 13. mars

16:30................. Lagt af stað frá

........................... Keflavík og Hveragerði

17:30................. Lagt af stað úr

........................... Reykjavík

18:30................. Komið sér fyrir á

........................... staðnum

19:00................. Matur

19:45................. Leikir

20:30................ Kvöldvaka

21:30................. Kvöldhressing

22:00................ Kyrrðarstund

22:30................ Hátta og bursta

23:00................ Ró

Laugardagur 14. mars

08:00................ Vakning

08:30................ Morgunmatur

09:00................ Morgunstund

09:30................ Skipulögð dagskrá í

........................... íþróttahúsi

........................... mót og leikir

12:00................. Hádegismatur

12:45................. Klemmuleikurinn

13:30................. Frágangur

........................... pakka og taka til

14:30................. Lokastund

15:00................. Heimför

16:00................. Heimkoma í Reykjavík

17:00................. Heimkoma í Hveragerði

........................... og Keflavík

Aðalfundur Vinagarðs - leikskóla KFUM og KFUK, kl. 20

asta@kfum.is — Wed, 10 Mar 2010 16:42:00 +0000

Aðalfundur Vinagarðs - leikskóla KFUM og KFUK verður haldinn í kvöld kl. í Vinagarði. Venjuleg aðalfundarstörf. Félagsfólk er hvatt til að taka þátt í fundinum og láta sig málefni Vinagarðs varða.

Ný stjórn í Kaldárseli

asta@kfum.is — Tue, 09 Mar 2010 17:01:00 +0000

Aðalfundur Kaldársels var haldinn í gærkvöldi og var þátttaka afar góð. Á fundinum voru venjuleg aðalfundarstörf og kosið var í nýja stjórn en alls voru 7 í framboði.

Kjörin voru: Björn Þór BaldurssonJón GuðbergssonJón Grétar ÞórssonSigrún Lilja Guðbjörnsdóttir

Í stjórn sitja áfram Ásgeir Markús Jónsson, Gunnar Haukur Ingimundarson og Ómar Þorvaldur Kristinsson

Úr stjórn gengu Katrín Danivalsdóttir og Rakel Brynjólfsdóttir og er þeim kærlega þakkað fyrir störf sín í þágu Kaldársels.

Aðalfundur Vindáshlíðar!

holmfridur@kfum.is — Tue, 09 Mar 2010 15:52:00 +0000

Aðalfundur Vindáshlíðar verður haldinn þriðjudaginn 16. mars næstkomandi kl. 20.00 að Holtavegi 28. Venjuleg aðalfundarstörf. Konur sem óska eftir að gefa kost á sér í stjórn hafi samband við Guðrúnu Kristjánsdóttur á netfangið: gkrist(hjá)hi.is

Aðalfundur Kaldársels í kvöld kl.20

asta@kfum.is — Mon, 08 Mar 2010 11:02:00 +0000

Aðalfundur Kaldársels verður haldinn í kvöld kl. 20 á Holtavegi 28. Venjuleg aðalfundarstörf. Félagsfólk er hvatt til að taka þátt í fundinum og láta sig málefni Kaldársels varða.

Alþjóðlegur bænadagur kvenna: Biðjum með kristnum konum í Kamerún.

asta@kfum.is — Thu, 04 Mar 2010 17:08:00 +0000

Fyrsti föstudagur í mars er Alþjóðlegur bænadagur kvenna. Yfirskriftin þetta árið er úr Sálmi 150: Allt, sem andardrátt hefur, lofi Drottin. Bænastundir og samkomur verða haldnar um allt land. Samkoman á höfuðborgarsvæðinu verður í Digraneskirkju föstudagskvöldið 5. mars kl. 20. Fluttar verða bænir og lestrar sem kristnar konur í Kamerún hafa undirbúið. Hljómsveit skipuð konum úr mörgum kristnum trúfélögum leiðir sönginn og sr. María Ágústsdóttir segir frá starfi bænadags kvenna á heimsvísu. Sr. Yrsa Þórðardóttir og Katla K. Ólafsdóttir leiða stundina ásamt konum úr mörgum kristnum trúfélögum og hópum. Heitt á könnunni eftir samkomuna. Þið eruð öll velkomin.

Kompásnámskeið á Akureyri

johann@kfum.is — Wed, 03 Mar 2010 11:54:00 +0000

Námskeið í notkun á Kompás verður haldið í félagsheimili KFUM og KFUK í Sunnuhlíð á Akureyri dagana 12.-13.mars. Námskeiðið hefst kl. 16 á föstudeginum og því lýkur kl. 16 á laugardeginum. Ef þú vilt kynnast fjölbreyttum og skapandi leiðum fyrir ungt fólk sem nýtast jafnt innan skóla sem á vettvangi frjálsra félagasamtaka og æskulýðsstarfs þá er Kompás bókin sem þú ættir að kynnast.

Námskeiðið er ætlað fólki 18 ára og eldra sem er virkt í æskulýðsstarfi og hefur áhuga á mannréttindum og hins vegar starfsfólki og sjálfboðaliðum sem gegna ábyrgðarhlutverkum í æskulýðsstarfi. Námskeiðið er sérstaklega ætlað þeim sem hafa áhuga á að hvetja og þjálfa aðra í að nota Kompás.

Námskeiðið kostar 5000 kr. Kvöldmatur á föstudeginum og hádegisverður á laugardegi er innifalinn. Nánari upplýsingar eru gefnar í síma 588-8899. Það er Æskulýðsvettvangurinn sem stendur fyrir þessu námskeiði að tilstuðlan mennta- og menningarmálaráðuneytsins.

Leiðbeinendur á námskeiðinu eru Pétur Björgvin Þorsteinsson sem er með meistaragráðu í Evrópufræðum og vinnur sem djákni í Glerárkirkju og kemur að þjálfun á námskeiðum á vegum Evrópa unga fólksins og fleiru. Jóhann H. Þorsteinsson er kennari og meistaranemi í menntunarfræðum og vinnur sem svæðisfulltrúi KFUM og KFUK á Norðurlandi. Guðrún Snorradóttir er kennari, námsráðgjafi og meistaranemi í menntunarstjórnun og vinnur sem landsfulltrúi hjá UMFÍ.

Skráning fer fram á netfanginu hjordis(hjá)kfum.is. Síðasti skráningardagur er 9. mars

Aðalfundur KFUM og KFUK á Suðurnesjum – Hátúni 36 kl. 20

asta@kfum.is — Wed, 03 Mar 2010 10:32:00 +0000

Aðalfundur starfsstöðvarinnar á Suðurnesjum verður haldinn í húsi félagsins í Hátúni 36 kl. 20. Félagsfólk er hvatt til að taka þátt í fundinum.

Útför Sveinbjargar Arnmundsdóttur fer fram í dag

olver@kfum.is — Mon, 01 Mar 2010 00:16:00 +0000

Í dag mánudaginn 1. mars verður Sveinbjörg Arnmundsdóttir (Sveina) heiðursfélagi í KFUM og KFUK borin til grafar í Fossvogskirkjugarði. Útförin fer fram frá Hallgrímskirkju kl. 13:00. Þeim sem vilja minnast Sveinu er bent á Sveinusjóð sem stofnaður var til uppbyggingar starfinu í Ölveri. Reikningur Sveinusjóðs er í banka 701-05-302000 og kt. 420369-6119.

Einnig er tekið við minningargjöfum fyrir þá sem vilja nota greiðslukort í Þjónustumiðstöð KFUM og KFUK, Holtavegi 28, 104 Reykjavík milli kl. 9:00-17:00 og í síma 588 8899.

Stjórn Ölvers minnist Sveinu og framlags hennar í tæp 70ár, allt frá stofnun sumarbúðanna, með djúpu þakklæti. Sveina var hamhleypa til verka, hún var ráðdeildarsöm og hagsýn, full hugsjónar fyrir æsku landsins. Hún starfaði hundruði dvalarflokka í Ölveri, sat í stjórn sumarbúðanna í tugi ára og bað heitt og innilega til lausnara síns fyrir framgangi sumarbúðanna og velferð allra þeirra sem þangað komu.

Sem virðingarvott og minningargjöf fyrir störf Sveinu ákvað stjórn Ölvers sumarbúða KFUM og KFUK á fundi sínum 25. febrúar síðastliðin að láta 100.000 krónur renna í Sveinusjóð.

Guð blessi minningu Sveinbjargar Arnmundsdóttur