Ölver er staðsett um 1 km frá Þjóðvegi 1, sem liggur á milli Akraness og Borgarness.

Útleiga að vetrarlagi í Ölveri á sér langa sögu. Þar er aðstaða eins og best verður á kosið fyrir þá sem vilja njóta dvalar í friðsælu umhverfi. Húsakynni eru góð, fullbúið eldhús, heitt og kalt vatn og sturtur. Heitur pottur er á staðnum en er ekki í notkun frá 1. október til 1. maí ár hvert. Þvottavél og þurrkari er á staðnum. Íþróttahús er gamalt en hefur sannað notagildi sitt þar sem börn og fullorðnir hafa leikið sér innanhúss í skjóli fyrir veðri og vindum. Þess má geta að stofnaður hefur verið Sveinusjóður til fjáröflunar fyrir nýju íþróttahúsi.

Umhverfi Ölvers er kjarri vaxið og útivistarsvæði er fjölbreytt, lautir og brekkur. Íþróttavöllur er á staðnum. Umhverfið býður einnig upp á margs konar gönguleiðir. Fyrir gönguglaða eru gönguferðir upp á Blákoll í góðu veðri öllum ógleymanlegar en æskilegt er að hafa kunnugan með í för. Styttri gönguferðir má fara t.d. út að Stórasteini og út með fjalli að Leirá. Gönguferð niður að Hafnaránni er einnig góður kostur og gönguferð inn með gili sem Hafnará hefur myndað er skemmtileg þegar aðstæður leyfa.

Staðurinn hentar vel fyrir hópa allt að 40 manns. Athuga skal að kojur eru mismunandi stórar: 26 eru í fullri stærð (180 cm og yfir), 16 kojur eru 178 cm. Sjö einstaklingsrúm eru í húsinu og eru þau í fullri stærð.

Öll neysla áfengra drykkja og annarra vímugjafa er stranglega bönnuð. Reykingar eru ekki leyfðar.

Gert er ráð fyrir góðri umgengni þeirra sem dvelja á staðnum. Gestir eru beðnir um að ganga frá á staðnum eins og þeir vildu koma að honum.

Upplýsingar um vetrarleigu veitir Þjónustumiðstöð KFUM og KFUK í síma 588 8899 kl. 09-17 alla virka daga, netfang skrifstofa@kfum.is.

Verðskrá

Verðskráin gildir frá 1. janúar 2015.

1 nótt: kr. 80.000

2 nætur: kr. 120.000

Hver nótt eftir fyrstu er 40.000 kr. Staðinn er einungis hægt að bóka með því að greiða staðfestingargjald, kr. 25.000 við pöntun eða eigi síðar en 7 dögum frá pöntun. Hægt er að greiða með millifærslu eða kreditkorti hjá Þjónustumiðstöð KFUM og KFUK. Staðfestingargjald fæst ekki endurgreitt.

Leigutaki skal hafa gengið frá staðnum í samræmi við brottfararskýrslu fyrir klukkan 16:00 á brottfarardegi.