Námskeið framundan

21. september

Haustnámskeið KFUM og KFUK

Miðvikudaginn 21. september kl. 17.30 verður námskeið fyrir leiðtoga í æskulýðsstarfi KFUM og KFUK og kirkjunnar. Á námskeiðinu verður fjallað um hamingjuna!

Leiðbeinandi er Anna Lóa Ólafsdóttir
náms – og starfsráðgjafi hjá Miðstöð Símenntunnar á Suðurnesjum.
Anna Lóa er B.ed frá Kennaraháskóla Íslands og náms- og starfsráðgjafi frá HÍ.
 
Gott og gagnlegt námskeið fyrir alla leiðtoga! Hefjum starfið með krafti og gleði.
Skráning á jonomar(hjá)kfum.is – Lokaskráningardagur er 20. september.

 12. október

Verndum þau 

Á námskeiðinu er fjallað um hvernig bregðast eigi við vanrækslu eða ofbeldi gegn börnum og unglingum. Námskeiðin eru byggð á efni bókarinnar, Verndum þau. Námskeiðin eru ætluð öllum þeim sem starfa með börnum og unglingum hjá sveitarfélögum, íþróttafélögum, æskulýðsfélögum og öðrum þeim sem áhuga hafa. 

14. - 16. október

Leiðtogahelgi í Kaldárseli

Unglingum frá 15 ára aldri, sem hafa tekið þátt í starfi KFUM og KFUK, stendur til boða að vera í leiðtogaskóla KFUM og KFUK. Leiðtogaskólinn er ætlaður upprennandi leiðtogum í kristilegu æskulýðsstarfi en er ganglegur fyrir alla. Þar eru námskeið í framsögn og framkomu, í stjórnun og notkun leikja, umönnun barna og umsjón barnahópa, auk fræðslu um grundvallaratriði kristinnar trúar. Þátttakendur fá að prófa, uppgötva, kynnast nýju fólki og umfram allt skemmta sér vel. Leiðtogaskólinn hefst í Kaldárseli helgina 14. – 16. október og verður þá farið í Kaldársel. Skráning á jonomar(hjá)kfum.is.