Vonumst til að sjá sem flesta!

Nafn viðburðar: Mission possible 4
Skipuleggjandi: YMCA Europe og UNIFY.
Dagsetning: 28. júlí – 12. ágúst 2013.
Staðsetning: Prag, Tékklandi og München, Þýskalandi.
Fjöldi fulltrúa frá KFUM og KFUK á Íslandi: 1. Tveir fulltrúar frá KFUM og KFUK á Íslandi hafa þegar verið fengnir til að taka þátt í verkefninu.
Kostnaður sem fellur á þátttakanda: Flug milli Íslands og München ásamt 400 €. Innifalið í því er gisting og fæði, þátttökugjald fyrir Prag-hátíðina og samgöngur frá og til München. Þar að auki fá sjálfboðaliðar í deilastarfi KFUM og KFUK sem taka þátt í Evrópuhátíðinni 25.000 kr. niðurgreiðslu frá félaginu.
Aldurstakmörk: 18 – 27 ára.
Nánari upplýsingar:
Verkefnið er unnið í samvinnu við Evrópuhátíð KFUM í Prag. Markmiðið er að mynda hóp af ungu fólki sem hefur það verkefni að vitna um Jesú Krist og efla þátt trúarinnar á hátíðinni sjálfri. Þátttakendur taka fyrst þátt í þjálfun og undirbúningi í Þýskalandi 28. júlí – 3. ágúst. Þaðan verður farið til Prag þar sem þátttakendur taka þátt í ýmsum verkefnum og viðburðum sem tengjast því að breiða út boðskap Jesú. Þegar Evrópuhátíðinni lýkur, þann 10. ágúst, er svo farið aftur til Þýskalands þar sem verkefnið verður metið og því lokið formlega. Sérstaklega er verið að leita að einstaklingum sem hafa áhuga á að vitna um Jesú Krist og boða kristna trú.

ATH! Umsónarfrestur rennur út föstudaginn 17. maí.

Alþjóðaráð KFUM og KFUK á Íslandi mun fara yfir umsóknirnar og velja úr. Allir umsækjendur verða látnir vita hvort þeir hafi komist að eða ekki. Að lokum mun KFUM og KFUK sækja um þátttöku í verkefninu fyrir viðkomandi.
Þegar Alþjóðaráð KFUM og KFUK á Íslandi fer í gegnum umsóknir vegna þátttöku í viðburðum erlendis eru nokkur atriði sem hafa áhrif á val þátttakanda:
- Hann þarf að vera virkur sjálfboðaliði og/eða starfsmaður innan félagsins, þekkja stefnu þess og starf og bera hag þess fyrir brjósti.
- Sú þekking sem af viðburðunum hlýst þarf að nýtast þeim sem hann sækir og félaginu í heild.
- Valið byggir að mestu leyti á þeirri umsókn sem umsækjendur skila inn. Gæði umsóknar og vandvirkni við vinnslu hennar skipta miklu máli.
- Alþjóðaráð reynir að afla sér upplýsinga um umsækjandann með því að spyrjast fyrir um hann.
- Þekking, reynsla eða sérstakur áhugi á því sem námskeiðið fjallar um er ávallt kostur

Ef óskað er eftir nánari upplýsingum skal hafa samband við Önnu Elísu með tölvupósti á annae89@gmail.com

Umsókn um þátttöku í ráðstefnunni

Kennt verður þriðjudaginn 21. maí, fimmtudaginn 23. maí, kl. 20-21:30 og laugardaginn 25. maí, kl. 13-14:30.
Þetta námskeið er sniðið fyrir þá sem vilja taka þátt í undirbúningi fyrir HÁTÍÐ VONAR sem haldin verður í haust.
Áherslan á námskeiðinu er að efla trúarlíf hvers og eins og hjálpa fólki að tala við aðra um trú sína.
Námskeiðið er fyrir ungt fólk í kirkjum landsins og kostar ekkert!

Við hvetjum alla þá sem taka vilja þátt í hátíðinni að nýta sér þetta tækifæri.

Æskulýðsstarfi KFUM og KFUK á Íslandi er haldið uppi af sjálfboðaliðum og í vetur voru rúmlega eitt hundrað sjálfboðaliðar sem buðu upp á metnaðarfullt og gefandi æskulýðsstarf í fleiri en þrjátíu deildum víðsvegar um landið. Við erum stolt af okkar vösku leiðtogum og viljum sýna þeim þakklæti félagsins með því að bjóða þeim á uppskeruhátíð miðvikudaginn 15. maí kl. 16.30-21.30. Dagskráin verður fjölbreytt og spennandi og vonandi að sem flestir leiðtogar, 16 ára og eldri sem tekið hafa virkan þátt í vetur taki daginn frá og skrái sig til leiks. Frekari upplýsingar og skráning hjá Petru Eiríksdóttur æskulýðsfulltrúa í síma 5888899 eða á netfangið petra(hjá)kfum.is.

Yfirvöld í Úkraínu hafa loksins samþykkt innihald beggja gámanna frá Jól í skókassa sem mannúðarhjálp, sem þýðir að hinni löngu töf á tollafgreiðslu gámanna er lokið! Þetta gerðist núna seinni hlutann í apríl. Hins vegar urðu mistök varðandi afgreiðslupappírana frá yfirvöldum. Því þurfti að leiðrétta þá áður en við fengum endanlega grænt ljós frá tollyfirvöldum um að við gætum rofið innsiglið á vörugeymslunni þar sem skókassarnir eru geymdir. Fulltrúar okkar í Úkraínu, með föður Evheniy í broddi fylkingar, eyddu mörgum dögum í að fá pappírana leiðrétta svo hægt væri að tollafgreiða varninginn sem fyrst.

Munaðarleysingjaheimilið Pantaivka

Við fengum svo þær gleðilegu fréttir fyrir helgi að leyfi fyrir því að rjúfa innsiglið á vörugeymslunni hefði borist og strax var hafist handa við það að dreifa fyrstu kössunum um helgina, en þá voru páskarnir haldnir hátíðlegir í Úkraínu. Á næstu dögum og vikum verður svo unnið markvisst að dreifingu skókassanna. Við erum náttúrulega himinlifandi yfir þessum gleðitíðindum

Því miður varði þessi töf miklu lengur en okkur, sem stöndum að verkefninu, óraði fyrir. Í raun var allt í baklás síðan ný stjórnvöld tóku við völdum í Úkraínu í desember sl. þar til nú. Og þrátt fyrir mikinn þrýsting heimamanna á okkar vegum, utanríkisráðuneytisins á Íslandi og ræðismanns Íslands í Kænugarði dróst þetta meira en góðu hófi gegnir. Því miður er skriffinnskan og stjórnvaldskerfið þarna úti miklu svifaseinna en við eigum að venjast.

Við sem stöndum að Jól í skókassa verkefninu viljum líka taka það fram að okkur þykir mjög leitt hvernig málin þróuðust síðustu mánuði. Þetta tók  miklu lengri tíma en við hefðum nokkurn tímann getað ímyndað okkur. Og þetta eru mikil

Glaðir unglingar fá sælgæti frá fulltrúum Jól í skókassa í janúar 2013

vonbrigði fyrir okkur líka. Síðan fyrstu gjafirnar voru sendar til Úkraínu árið 2004 höfum við aldrei lent í viðlíka veseni. Það er von okkar og trú að þetta sér algjört undantekningartilfelli. En hins vegar skal það skýrt tekið fram að gjafirnar munu komast til skila, það er alveg á hreinu! Enda eru heimamenn á okkar vegum nú í óða önn að dreifa kössum og skipuleggja frekari dreifingu. Það má því með sanni segja að gjafirnar í ár séu því „Páskar í skókassa“.

Fyrir hönd Jól í skókassa,

Salvar Geir Guðgeirsson.

Atburðurinn er einn liður af mörgum með það að markmiði að sameina kristið fólk í bæn fyrir landi og þjóð og sérstaklega fyrir Hátíð vonar í haust og öllum þeim undirbúningi sem er í gangi á vegum kirkna landsins í undibúningi og eftirfylgd eftir hátíðina.

Dagskráin inniheldur bæn, lofgjörð, söng, stuttar hugvekjur og fleira sem fólki dettur í hug að efli bænalíf og samfélagið.

Við hvetjum félagsfólk til að taka þátt í Sólarhring í bæn.

Spjaldið kostar 500 kr. en þrjú spjöld verða á fjölskyldutilboði 1.000 kr.

Starfsfólk sumarsins og stjórn Ölvers hvetur allt félagsfólk til að mæta og vera með í skemmtilegri uppákomu.

Áfram að markinu!

Þriðjudaginn 30. apríl verður afmælisfundur KFUK haldinn að Holtavegi 28 kl. 20:00, en þá verða liðin 114 ár síðan KFUK var stofnað af sr. Friðriki Friðrikssyni.

Laufey Geirlaugsdóttir syngur einsöng við undirleik Ástu Haraldsdóttur. Sýnd verður myndasýning frá liðnum vetri og boðið verður upp á nýstárlegt bingó á léttum nótum. Ragnhildur Ásgeirsdóttir flytur hugleiðingu og er stjórnun fundarins í höndum Þóru Bjargar Sigurðardóttur.

Eftir fundinn verður síðan boðið upp á afmælishátíðarkaffi á 1.000 kr.

Sr. Jón Ómar Gunnarsson mun tala út frá yfirskriftinni “Nýtt hjarta – Nýtt líf”  Esek. 36:26-28 og mun hljómsveitin Tilviljun? stjórna samkomunni, syngja og spila.

Samkoman verður að Holtavegi 28 og hvetjum við fólk til að mæta.

Þá hafa verið settar inn upplýsingar um starfsfólk sumarsins í myndaalbúm á Fésbókarsíðu Hólavatns. Allir vinir og velunnarar Hólavatns eru hvattir til að leita uppi síðuna sem heitir einfaldlega “Hólavatn” og bætast í hóp þeirra rúmlega 400 sem fylgjast reglulega með fréttum frá Hólavatni.

Bein slóð inn á albúmið er hér:

http://www.facebook.com/media/set/?set=a.377338692379576.1073741826.171744012939046&type=1&l=92f4c7570a

Kaffisalan hefst kl. 14:00 og stendur til 18:00. Allir velunnarar Vatnaskógar eru hvattir til að styðja starfið og njóta glæsilegra
veitinga á þessum degi.

Um kvöldið kl. 20:00 verða síðan tónleikar að hætti Skógarmanna á Holtavegi 28 þar sem Karlakór KFUM, undir stjórn Laufeyjar Geirlaugsdóttur og við undirleik Ástu Haraldsdóttur, mun flytja lög m.a. úr Vatnaskógi. Auk þess munu Skógarmennirnir Ingi Gunnar Jóhannsson og Oddur Albertsson taka nokkur lög. Aðgangseyrir er 1.800 kr.

Dagana 19. – 20. apríl síðastliðinn fóru um 160 börn á aldrinum 9-12 ára í vorferðir yngri deilda KFUM og KFUK. Farið var í Vatnaskóg og á Hólavatn.

Ferðirnar mörkuðu lok vetrarstarfs KFUM og KFUK í deildarstarfinu okkar. Veturinn hefur verið spennandi og lærdómsríkur og stútfullur af fræðslu, skemmtun og samveru. Í Vatnaskóg fóru deildir af höfuðborgarsvæðinu, Keflavík, Grindavík, Njarðvík og úr Borgarnesi en á Hólavatn fóru börn frá Akureyri.
Dagskráin var þétt og má þar nefna, brjóstsykursgerð, orrustu, íþróttir, spil, fræðslu, leikrit, kvöldvöku, Guðs orð, söng, útiveru og síðast en ekki síst ævintýraratleik.

Það voru glaðir krakkar sem tóku þátt í þessu móti enda yfirskrift þess ,,Fögnum og verum glöð.“

Í áminningunni er m.a. bent á að stjórnvöld hafi það hlutverk að marka opinbera stefnu í ávana- og vímuefnamálum og forvörnum og tryggja framkvæmd hennar, m.a. með nauðsynlegu fjármagni. En til þess að sú stefna verði annað en stafur á bók verður hún að njóta stuðnings borgaranna, eða hinnar svokölluðu grasrótar. Þar geta félagasamtök leikið mikilvægt hlutverk.

Samstarfsráðið bendir á að félagasamtök hafa lengstum haft frumkvæði í ávana- og vímuvörnum á Íslandi og saga forvarna á Íslandi einkennst af frumkvæði og virkni almannasamtaka með þeim ágæta árangri að áfengisneysla og reykingar Íslendinga eru með því minnsta sem þekkist í Evrópu og staða okkar varðandi önnur vímuefni er sömuleiðis góð í samanburði við nágrannaþjóðir. Þennan ávinning og stöðu verðum við að verja.

Félagasamtök búa yfir margvíslegum möguleikum í forvörnum. Félagasamtök leggja með starfi sínu, samfélagsumræðu og verkefnum menningarlegan og lýðræðislegan grundvöll að velferð samfélagsins og eflingu félagsauðs. Þau eru þverskurður af samfélaginu með félagsfólk á öllum aldri, af báðum kynjum og starfa í þéttbýli sem dreifbýli. Félagasamtök byggja tilvist sína á sjálfsprottinni félagslegri þörf og starf þeirra grundvallast á samfélagslegri ábyrgð, samlíðan og borgaravitund.

Félagasamtök eru í náinni snertingu við grasrótina og daglegt líf fólks. Fyrir vikið hafa þau annars konar möguleika í samfélaginu en stjórnvöld. Þau geta t.d. nýtt tengslanet sín til þess að virkja sjálfboðaliða í nærsamfélaginu á skömmum tíma og þátttaka þeirra getur haft margfeldniáhrif í samfélaginu. Félagasamtök hafa einnig meira frelsi, svigrúm og sveigjanleika til athafna en stjórnvöld. Þau eru skapandi afl sem getur boðið fjölþættar lausnir.

Áskorunin á PDF: Askorunx2013

Jæja ágætu félagsmenn, þá er bara komið að þessu.
Mikil eftirvænting er vegna sameiginlegrar vorferðar aðaldeilda KFUM og KFUK
í Skálholt á þriðjudaginn 23. apríl.

Skráning í ferðina: Smellið hér:

Dagskrá:

17:30  Brottför frá Holtavegi
19:00  Kvöldverður í Skálholti
Saga, staður og starfsemi  -
Þorláksbúð skoðuð  -  Umsjón:  Gunnar Bjarnason húsasmíðameistari
Helgistund í Skálholtsdómkirkju  -  Sr. Kristján Valur Ingólfsson vígslubiskup
Kvöldhressing
22:00  Heimför

Skráning fer fram í þjónustumiðstöð KFUM og KFUK við Holtaveg.
Endilega að skella sér með.  það er svo gaman að vera saman!

Verð kr. 5.000.-  (Allt innifalið, ferðir, veitingar og leiðsögn)

Yfirskrift kvöldsins er “Nýtt fyrir stafni” en ræðumaður kvöldsins er Guðlaugur Gunnarsson.

Allir eru hjartanlega velkomnir.

Yfirskrift: Vorvísur og gamanmál. Hitað upp fyrir vorið, mikill söngur og létt stemmning. Sigurbjörn Þorkelsson rithöfundur flytur hugvekju.

Allir karlar eru hjartanlega velkomnir.