Stjórn Ölvers hefur tekið ákvörðun um að fresta mæðgna- og mæðginaflokki sem átti að vera helgina 7.-9. september af óviðráðanlegum aðstæðum.

Flokkurinn mun vera haldinn í vor og verður nánari dagsetning og dagskrá auglýst þegar nær dregur.

Haft verður samband við þær sem hafa skráð sig og fá þær að sjálfsögðu dvalargjaldið endurgreitt.

Við biðjumst velvirðingar á þessu og óskum þess að þær mæður og börn þeirra sem höfðu skráð sig til leiks geti verið með í vor.

Dagana 7.- 9. september verður mæðgna- og mæðginahelgi í Ölveri.

Þá gefst mæðrum tækifæri á að dvelja með börnum sínum í Ölveri og njóta alls þess sem staðurinn hefur upp á að bjóða. Boðið verður upp á fjölbreytta og skemmtilega dagskrá sem felur m.a. í sér morgunleikfimi, morgunstundir, kvöldvöku, gönguferð, veislukvöldverð, náttfatapartý og ýmislegt fleira. Á kvöldvökum verða Ölverslögin sungin og skemmtilegir leikir og leikrit á dagskránni. Forstöðukona helgarinnar verður Svava Sigríður Svavarsdóttir. Mæður, dætur og synir eru hvött til að kynna sér mæðgna- og mæðginahelgina.

Skráning er á heimasíðu KFUM og KFUK og hjá Þjónustumiðstöð KFUM og KFUK í síma 588-8899 og á netfanginu skrifstofa@kfum.is .

Verið hjartanlega velkomin á mæðgna-og mæðginahelgi!

Það voru blendnar tilfinningar í brjóstum stelpnanna okkar við vakningu í morgun. Eftir morgunverðinn skiptum við okkur í hópa til undirbúnings guðsþjónustunnar; danshóp, sönghóp og bænahóp. Síðan hófst hin ofurspennandi foringjakeppni, þar sem sigurlið flokksins í brennóbolta keppir við foringja flokksins, sá síðarnefndi vann. Þá kepptu foringjarnir einnig við allan hópinn og unnu með því að hver foringi átti fleiri líf.

Eftir langan og viðburðaríkan dag í gær, fengu stúlkurnar að sofa út í morgun. Um hálfellefu voru þær síðustu drifnar í morgunverð. Veðrið var gott og einhverjar fóru út að leika sér. Eftir pastarétt í hádeginu, beið okkar rúta sem fór með okkur í sundlaugina á Akranesi og var gott að fá að þvo hárið og ærslast í lauginni. Þar átti sér stað óformleg sundkeppni.
Við heimkomuna aftur í Ölver beið girnilegt bakkelsi í drekkutímanum.

Fjölbreytileiki mannlífsins og litagleði var þema dagsins. Eftir morgunverð og fánahyllingu, var Biblíulestur sem að þessu sinni fjallaði um sýn Krists á okkur, börn Guðs.

Viðburðaríkur dagur, nóg af skemmtilegum uppákomum og góður andi á meðal stelpnanna. Eftir morgunmat og fánahyllingu var Biblíulestur, sem að þessu sinni fjallaði um hugrekki og það að standa með þeim sem minna mega sín þrátt fyrir áhættu á að einhverjum finnist það ekki nógu svalt. Einnig ræddum við það að stundum á unglingsárunum upplifum við okkur sem miðdepil alheimsins og höldum að allir fylgist með öllu sem við gerum og öllu sem við klæðumst, þegar jafnaldrar okkar eru einnig í sömu hugleiðingunum.

Ölversstúlkur í óvissuferð
Það voru glaðar stúlkur sem vöknuðu á þessum þurrasta degi flokksins hingað til. Eftir morgunverð og fánahyllingu var Biblíulestur, þar sem textinn í Matteusarguðspjalli 25. kafla um hjálpsemi og náungakærleik, var tekinn fyrir. Í tenglsum við það að kunna að fletta upp í Biblíunni, flettum við síðan upp á og lásum texta sem ortir hafa verið sálmar upp úr. Þeir voru að sjálfsögðu sungnir. Er ég leitaði vinar, Er ég horf’ á himininn, Drottinn er minn hirðir. Síðan var farið í brennubolta í íþróttahúsinu.

Það er óhætt að segja að aðlögunarhæfni stúknanna sé mjög mikil. Í dag var næstum ekkert á sínum stað á dagskránni og því erfitt fyrir stúlkurnar að giska á hvað beið þeirra. Við hófum þó daginn á hafragraut, bláum hafragraut vegna möguleikans á að handboltalandsliðið okkar keppi í bláum búningum á Ólympíuleikunum í dag. Að fánahyllingu lokinni var boðið upp á að horfa á leikinn, sem var gríðarlega spennandi og einnig að gera origami með Lenu sem er sjálfboðaliði hjá okkur.

Hér í Ölveri hefur allt iðað af lífi á þessum fyrsta degi Ævintýraflokks unglinga. 25 kátar og eftrvæntingafullar stúlkur fylltu staðinn gleði og ljóst er að vikan okkar verður allt annað en róleg.
Eftir að búið var að raða í herbergin, var vel borðað af súpu og smurbrauði áður en farið var í rannsóknarleiðangur um landareignina umhverfis sumarbúðirnar og farið í leiki. Eftir kaffi var ýmislegt brallað og stúlkurnar í Fjallaveri æfðu atriði fyrir kvöldvökuna.