Næsta sunnudag, 19. ágúst, verður vígsluathöfn nýrrar byggingar á Hólavatni, sumarbúðum KFUM og KFUK á í Eyjafirði á Norðurlandi kl.14.

Nýbyggingin á Hólavatni var í fyrsta sinn notuð nú í sumarstarfi Hólavatns á undanförnum mánuðum, og er afar gagnleg viðbót við húsakynnin þar. Vígsluathöfnin er gleðiefni og merkur viðburður í sögu Hólavatns.

Að vígsluathöfninni lokinni verður árleg kaffisala Hólavatns. Þá gefst tækifæri til að kaupa kaffi og ljúffengar kaffiveitingar til styrktar starfinu á Hólavatni.

Þá heldur fjörið áfram á Hólavatni. Í gærkvöld var kvölvaka eins og venja er. Þá fengu tvö af fimm herbergjum að vera með atriði auk þess sem söng og leikhópur sem æft höfðu fyrr um daginn sýndu afrakstur hópastarfsins. Eftir hugleiðingu var svo kveikt bál niðri við vatnið og allar stelpurnar fengu að grilla sykurpúða. Stelpurnar voru svo fljótar að sofna og sváfu flestar vært þar til vakið var kl. 9 í morgun.

Í gær mættu 34 hressar stelpur til leiks að Hólavatni. Þrátt fyrir að veðrið hafi ekki verið með besta móti í gær fór dagskráin á fullt strax eftir hádegið. Þar sem þessi flokkur er svokallaður “Listaflokkur” vinnum við á hverjum degi eitthvað listrænt og fengu stelpurnar í gær að velja á milli söng-, leiklistar- og myndlistarhóps. Það er greinilegt að hér eru miklir hæfilekar á ferð og sýndu hóparnir afrakstur sinn á kvöldvöku í gærkvöld.

Klukkan níu voru strákarnir vaktir, bæði þeir sem gistu innandyra og þeir sem sváfu undir berum himni. Þegar fánahyllingu var lokið héldu strákarnir inn í matsal þar sem þeir snæddu morgunverð. Eftir morgunmat var haldið á morgunstund og svo var bátafjör. Hádegisverður hófst klukkan 12:00 og var hólverskur grjónagrautur að hætti Hildar ráðskonu á borðstólnum.

Um morguninn voru strákarnir vaktir og þeim sagt að tímabelti Hólavatns hefði tekið miklum breytingum um nóttina og matartímarnir allir í rangri röð. Því væri ekki að byrja morgunmatur heldur kvöldmatur. Með þessar upplýsingar í farteskinu fóru þeir út að fánastöng þar sem fyrsta fánahylling flokksins fór fram. Því næst héldu þeir inn í matsal og borðuðu ávaxtasúrmjólk.

Hópur drengja kom með rútunni á Hólavatn stundvíslega klukkan 10. Þá var farið yfir nokkrar reglur áður en strákunum var skipt í herbergi. Þegar þeir höfðu komið sér fyrir var strax hafist handan við að leika sér úti í góða veðrinu. Í hádeginu var borðað hólverskt skyr og smurt brauð. Því næst var haldið út á Wembley, fótboltavöll Hólavatns, þar sem farið var í leiki með það að leiðarljósi að hrista hópinn saman.

Stúlkurnar voru vaktar um klukkan níu, bæði þær sem voru inni og þær sem höfðu sofið úti. Eftir fánahyllingu var morgunmatur og er óhætt að segja að flestar hefðu þær viljað sofa talsvert lengur. En okkur er ekki til setunnar boðið. Pakka þarf pjönkum því í dag er brottfarardagur.

Í dag var sérstakur dagur því tvær stúlknanna áttu afmæli í dag og í dag er veisludagur. Því hófst dagurinn með afmælissöng og vöknuðu dömurnar ljúflega rétt um klukkan níu. Eftir fánahyllingu var morgunmatur og virtist matarlystin hafa aukist um nóttina – svo hraustlega tóku þær til matar síns. Eftir morgunstundina var frjáls tími sem nýttur var úti í glampandi sól og hita.

Enn einn sólardagur í stórkostlegu umhverfi. Stúlkurnar voru vaktar klukkan 8:59 og voru mættir fimmtán mínútum síðar út að fánastöng. Þar sungu þær einum rómi fánasönginn Rís þú fáni á friðarvegi … og íslenski fáninn var dreginn að húni (eins og alla morgna í sumarbúðunum). Við tóku nokkrar útijógaæfingar til að hressa upp á stemmninguna í hópnum – gekk það vel enda tóku stúlkurnar vel á því í morgunmatnum.

Forstöðukona vakti stúlkurnar kl. 8:29 með blíðum orðum og söng. Að lokinni fánahyllingu kom í ljós að þetta var enginn venjulegur dagur. Allt var í rugli. Foringjar í öfugum fötum og enginn morgunmatur. Ráðskona bauð upp á kvöldmat í morgunsárið – heita súpu og smurt brauð. Í morgunstund var fjallað um þema vikunnar, bænina, og það að orða hugsanir sínar í samtali við Guð.