Kæru vinir og velunnarar Jól í skókassa

Við óskum ykkur gleðilegs nýs árs og þökkum fyrir allar gjafirnar og vinnuna sem þið hafið lagt fram.

Okkur langar til að segja ykkur nýjustu fréttir. Fjórir fulltrúar verkefnisins fóru til Úkraínu 30. desember og komu heim aftur 6. janúar. En eins og eflaust mörg ykkar vita þá er 7. janúar jóladagur í Úkraínu. Að venju bjuggu fulltrúar okkar hjá föður Evheniy Zhabkovskiy sem er helsti  tengiliður okkar í Úkraínu. Farið var í heimsóknir á munaðarleysingjaheimili, sjúkrahús og fleiri staði eins og venja er. Það má með sanni segja að ferðin sjálf hafi gengið vel.

Í dag, laugardaginn 10. nóvember, verður hægt að skila kössum í húsi KFUM og KFUK á Íslandi við Holtaveg 28 í Laugardalnum (gegnt Langholtsskóla) frá kl. 11-16. Í boði verða léttar veitingar, myndasýning og einnig verður hægt að setjast  niður og lesa ferðasögur frá liðnum árum.

Tekið verður á móti skókössum í húsi KFUM og KFUK í Reykjanesbæ, Hátúni 36,
í dag föstudaginn 9. nóvember frá 15-17.

Í dag fimmtudaginn 8. nóvember verður hægt að skila skókössum í húsi KFUM&KFUK, Garðabraut 1, frá kl. 19-20. Þetta er síðasti skiladagurinn af þremur á Akranesi.

Töluverð umfjöllun hefur verið um Jól í skókassa verkefnið í fjölmiðlum, sérstaklega í hljóðvarpi. Þeir sem hafa áhuga á að því að hlusta á það efni geta nálgast það hér:

Þátturinn Virkir morgnar á Rás 2 (32:50):

http://www.ruv.is/sarpurinn/virkir-morgnar/23102012-1

Þátturinn Sirrý á sunnudagsmorgni á Rás 2 (140:10):

http://www.ruv.is/sarpurinn/sirry-a-sunnudagsmorgni/04112012-0

Barnaþátturinn Leynifélagið á Rás 1 (16:30):

http://www.ruv.is/sarpurinn/leynifelagid/02112012-0

Þátturinn Samfélagið í nærmynd á Rás 1 (20:00):

http://www.ruv.is/sarpurinn/samfelagid-i-naermynd/19102012-0

Þessi þáttur fjallaði að öllu leyti um starf KFUM og KFUK á Íslandi, þ.m.t. um Jól í skókassa.

Einnig var fulltrúi Jól í skókassa í viðtali í morgunþætti útvarpsstöðvarinnar K 100,5 og á kristilegu útvarpsstöðinni Lindin 102,7.

Einnig er von á umfjöllun um Jól í skókassa í Fréttablaðinu í dag fimmtudaginn 8. nóvember.

Í fyrsta sinn verður móttaka í Háskóla Íslands í samvinnu við Stúdentaráð Háskóla Íslands. Tekið verður á móti skókössum á Háskólatorgi í Háskóla Íslands, fimmtudaginn 8. nóvember frá kl. 11-14. Þangað til verður hægt að nálgast tóma skókassa á Háskólatorgi.

Tekið verður á móti skókössum í Selfosskirkju. Hún er að jafnaði opin alla virka daga milli kl. 9:00 og 13. Síðasti skiladagur er miðvikudagurinn 7. nóvember.

Hægt er að skila skókössum á Akranesi í húsi KFUM&KFUK, Garðabraut 1, miðvikudaginn 7. nóvember frá kl. 19-20. Einnig verður opið á fimmtudag á sama tíma.

Ísafjörður: Tekið verður á móti skókössum í Ísafjarðarkirkju. Hún er að jafnaði opin alla virka daga milli kl. 8:30 og 17. Síðasti skiladagur er mánudagurinn 5. nóvember.

Djúpivogur: Tekið verður á móti skókössum mánudaginn 5. nóvember í Djúpavogskirkju  frá kl. 16-18.

Vestmannaeyjar: Tekið verður á móti skókössum í Landakirkju. Hún er að jafnaði opin virka daga milli kl. 9 og 15. Síðasti skiladagur er mánudagurinn 5. nóvember.

Akranes: Hægt verður að skila skókössum í húsi KFUM&KFUK, Garðabraut 1, mánudaginn 5. nóvember frá kl. 19-20. Einnig verður opið á miðvikudag og fimmtudag á sama tíma.

Sjá nánar hér: http://www.kfum.is/skokassar/mottokusta%C3%B0ir/

Í dag, sunnudaginn 4. nóvember, verður tekið á móti skókössum í Hólaneskirkju á Skagaströnd frá kl. 11-15.

Í dag, laugardaginn 3. nóvember, verður seinni formlegi skiladagur Jól í skókassa á Akureyri. Tekið verður á móti skókössum á Glerártorgi frá kl. 11-15.