Vorferðir yngri deilda

Sameiginleg ferð yngri deilda KFUM og KFUK er farin í lok starfsins að vori. Stelpurnar  fara í ferð í Vindáshlíð og  Ölver og strákarnir í Vatnaskóg. Gist er eina nótt.

Hverjir verða með?

9-12 ára strákar og stelpur ásamt leiðtogum úr KFUM og KFUK deildum af öllu landinu.

Hvar og hvenær?

Í Vatnaskógi sumarbúðum KFUM og KFUK í Svínadal um það bil 89 kílómetra frá Reykjavík.

Ölveri sumarbúðum KFUK undir Hafnarfjallinu um það bil 60 kílómetra frá Reykjavík.

Vindáshlíð sumarbúðum KFUK í Kjósinni um það bil 45 kílómetra frá Reykjavík.

Brottför:

Farið er frá Aðalstöðvum KFUM og KFUK við Holtaveg 28, kl 17:30 á föstudegi. Gott er að vera mætt 15 mínútum fyrir brottför.

Heimkoma:

Lagt verður af stað frá sumarbúðunum á laugardeginum klukkan 15:30.

Hvað verður gert?

Kvöldvaka, íþróttir, leikir, gönguferð, söngstundir, samverur, skógarferðir og margt, margt, fleira.

Hvað þarf að taka með?

Peninga fyrir mótsgjaldi, íþróttaföt, inniskó, náttföt, svefnpoka, tannbursta og tilheyrandi, góðan og hlýjan útivistarfatnað og gott skap!

Mótsgjald:

Mótsgjald árið 2011 var 4.500 krónur, innifalið í því vour rútuferðir fram og til baka, gisting, öll aðstaða, efniskostnaður og allur matur (kvöldmatur, kvöldhressing, morgunmatur, hádegismatur og eftirmiðdagshressing).

Skráning:

Fer fram hjá leiðtogum viðkomandi deildar. Foreldrar/forráðamenn þurfa að skrifa undir leyfisbréf og skal það afhent leiðtogum í síðasta lagi viku fyrir brottför.

Upplýsingar:

Allar nánari upplýsingar um mótið má fá hjá leiðtogum í starfi KFUM og KFUK og hjá æskulýðsfulltrúum KFUM og KFUK á Holtavegi, s. 588-8899.