Yngri deildir eru fyrir 9-12 ára krakka. Krakkarnir hittast einu sinni í viku í sinni deild og gera ýmislegt skemmtilegt saman t.d. fara í leiki, óvissuferðir, Pálínuboð, búa til nælur, mála á plexigler og ýmislegt fleira. Á hverjum fundi er stutt helgistund. Yfir veturinn eru ýmsir sameiginlegir viðburðir s.s. fótbolta- og brennómót og stutt ferðalag í sumarbúðirnar*.
Veturinn 2009-2010 eru yngri deildir á eftirfarandi stöðum:
Höfuðborgarsvæðið:
Digraneskirkja
Fella- og Hólakirkja
Garðabær
Grafarholt
Grensáskirkja
Holtavegur
Lindakirkja
Seljakirkja
Vesturbær
Suðurnes:
Grindavík
Keflavík
Njarðvík
Suðurland:
Hveragerði
Norðurland:
Akureyri
Dalvík
Ólafsfjörður
Unglingadeildir eru fyrir unglinga 13-15 ára. Þátttakendur hittast einu sinni í viku og er dagskráin í bæði skemmtileg, fróðleg og uppbyggjandi. Það er aldrei að vita upp á hverju leiðtogarnir taka næst. Í vetur verður tvisvar farið í stutt ferðalag annars vegar á miðnæturíþróttamót og hins vegar á landsmót í Vatnaskógi.
Veturinn 2009-2010 verða unglingadeildir á eftirfarandi stöðum:
Höfuðborgarsvæðið:
Breiðholtskirkja
Grensáskirkja
Lindasókn
Mosfellsbæ
Suðurnes:
Grindavík
Keflavík
Suðurland:
Hveragerði
Vestmannaeyjar
Norðurland:
Akureyri
Ólafsfjörður
Ungmennastarf innan KFUM og KFUK er aðallega fólgið í þemadeildum og samstarfi við Kristilegu skólahreyfinguna en innan hennar starfa Kristileg skólasamtök fyrir 16 - 20 ára og Kristilegt stúdentafélag fyrir 20 - 30 ára.
Í vetur hefur innan KFUM og KFUK verið starfandi ljósmyndadeild og söngleikinn !HERO er hluti af ungmennastarfinu.
Á Akureyri starfar KNS eða Kristilegt næstum því stúdentafélag fyrir framhaldsskólanema í samstarfi við Glerárkirkju, Akureyrarkirkju og Hjálpræðisherinn og Fjölvítamín sem er fjölmenningarhópur sem starfar í Sunnuhlíð 12 á Akureyri.