Innskráning

Fjölskyldu og fullorðinsstarf KFUM og KFUK

Fjölskyldu- og fullorðinsstarf KFUM og KFUK á sér langa sögu.  Fundir fyrir fullorðna, svo kallaðar aðaldeildir(AD) hafa verið haldnir frá 1902 og sunnudagssamverur félagsins hafa í gegnum tíðina verið mikilvægur hluti starfsins.  Á undanförnum 20 árum hefur orðið aukin þörf á samverustundum fjölskyldunnar og hefur félagið svarað þeirri þörf á margvíslegan hátt.  Fjölskyldu- og fullorðinsstarfi félagsins er að mestu leyti skipulagt og framkvæmt af sjálfboðaliðum.

AD - vikulegir fundir fyrir fullorðna
Kvenna- og karlafundir eru haldnir vikulega í KFUM og KFUK húsinu á Holtavegi 28.  Konur hittast á þriðjudögum kl. 20. Karlar hittast á fimmtudögum kl.20. Smellið á hlekkinn til að sjá dagskrá haustsins og lesa nánar um AD.

Sunnudagssamverur
Á hverjum sunnudegi eru haldnar samverur í KFUM og KFUK húsinu á Holtavegi 28. Góð tónlist, söngur og innihaldsríkur boðskapur er í öndvegi ásamt því sem fjallað verður um málefni sem tengjast á einn eða annan hátt starfi félagsins. Smellið á hlekkinn til að lesa meira um sunnudagssamverurnar.

Basar KFUK
Árlega halda KFUK konur basar til styrktar starfi KFUM og KFUK. Á basarnum er að finna ýmislegt góðgæti og vandað íslenskt handverk. Basarinn í ár verður haldinn 28. nóvember kl. 14. í KFUM og KFUK húsinu Holtavegi 28. Smellið á hlekkinn til að lesa meira.


Fjölskyldustarf KFUM og KFUK
Fjölskyldustarf KFUM og KFUK byggir að miklum hluta á viðburðum og ferðalögum sem eru sérsniðin fyrir fjölskyldur eða einstaka hluta fjölskyldunnar. Hér fyrir neðan er stutt umfjöllun um það sem verður í boði á haustönn 2009. Smelltu hér til að lesa nánar um fjölskyldustarf KFUM og KFUK

Fjölskyldustundir á Holtavegi
Þriðja sunnudag í mánuði kl.15-17 eru sérstakar fjölskyldustundir í KFUM og KFUK húsinu á Holtavegi 28. Á dagskránni í haust eru m.a. piparkökubakstur og ævintýraferð um Laugardalinn.  Smelltu hér til að sjá dagskrána og lesa meira um fjölskyldustundirnar.

Mæðgnaflokkur í Ölveri 11.-13. september
Ölver býður mæðrum og dætrum að njóta samvista í yndislegu umhverfi Ölvers undir Hafnarfjalli. Dagskráin verður með hefðbundnu sumarbúðasniði þar sem haldnar verða kvöldvökur, farið  verður í gönguferðir, heita pottinn, leiki og gaman. Smelltu hér til að sjá dagskrá mæðgnaflokksins.

Mæðgnaflokkur í Vindáshlíð 2.-4. september
Í Vindáshlíð verður geta mæður og dætur átt góðar stundir saman í mæðgnaflokk.  Dagskráin er brot af því besta sem gerist í venjulegum flokki og fá því mæðurnar smjörþefinn af því sem dæturnar hafa gert um sumarið og jafnvel rifjað sjálfar upp gamlar minningar úr Hlíðinni.  Upplýsingar um mæðgnaflokkinn í Vindáshlíð má finna hér.