Vilt þú vera með í alþjóðaráði?

Vilt þú vera með í alþjóðaráði?

  • Fimmtudagur 6. október 2016
  • /
  • Fréttir

Alþjóðaráð KFUM og KFUK leitar að áhugasömum einstaklingi til að starfa í ráðinu frá og með 1. nóvember 2016. Alþjóðaráð hvetur leiðtoga og aðra áhugasama innan félagsins að sækja um.

Skilyrði sem umsækjandi þarf að uppfylla:
– Umsækjandi þarf að vera orðinn 18 ára.
– Umsækjandi þarf að vera áhugasamur og samviskusamur.
– Umsækjandi þarf að hafa góð tök á ensku.
– Umsækjandi þarf að vera tilbúinn að taka þátt í reglulegu fundahaldi og tölvupóstsamskiptum.
– Umsækjandi þarf að vera viljugur að taka að sér verkefni á vegum ráðsins.
Tekið skal fram að starf alþjóðaráðs er sjálfboðastarf.

Setan í alþjóðaráði er skemmtileg og góð stemning er innan ráðsins. Að jafnaði er hittst á nokkra vikna fresti og farið yfir stöðu mála.

Um alþjóðaráð:
Innan KFUM og KFUK á Íslandi starfar Alþjóðaráð sem leitast við að efla starf KFUM og KFUK á Íslandi á alþjóðavettvangi með þátttöku í námskeiðum, ráðstefnum og öðrum verkefnum sem bjóðast. Ráðið leitast við að auglýsa þau verkefni sem eru í boði og hefur eftirlit með styrkumsóknum fyrir einstök verkefni.
Ráðið leitast við að gera alþjóðlegt starf félagsins sýnilegt og auka þannig meðvitund fólks um að KFUM og KFUK er hluti af stærri heild á heimsvísu.

Frekari upplýsingar um starf alþjóðaráðs má finna hér:

Erlend samskipti

ATH! Umsónarfrestur rennur út fimmtudaginn 20. október 2016.

Alþjóðaráð KFUM og KFUK á Íslandi mun fara yfir umsóknirnar og velja úr. Allir umsækjendur verða látnir vita hvort þeir hafi orðið fyrir valinu eða ekki.

Ef óskað er eftir nánari upplýsingum hafið samband við Önnu Elísu með tölvupósti á annae89(hjá)gmail.com.

Umsókn um setu í alþjóðaráði KFUM og KFUK á Íslandi