Leiðtoganámskeið í Úkraínu – Youth Unify

Leiðtoganámskeið í Úkraínu – Youth Unify

  • Fimmtudagur 17. mars 2016

Alþjóðaráð KFUM og KFUK hvetur leiðtoga og áhugasamt félagsfólk að sækja um YMCA Youth Unify leadership camp í Úkraínu!

Nafn viðburðar: Youth Unify Leadership Camp 2016
Skipuleggjandi: YMCA Unify
Dagsetning: 21. – 27. ágúst
Staðsetning: Verhovyna, vestur-Úkraínu
Kostnaður sem fellur á þátttakanda: Skráningargjald (130 Evrur) og ferðakostnaður.
Aldurstakmörk:  18 – 30 ára
Nánari upplýsingar:

Um er að ræða spennandi leiðtogaþjálfun með Biblíuna og starf Jesú að leiðarljósi og lagt verður sérstaka áherslu á að þetta nýtist í starfi heima við. Staðsetningin er vestast í Úkraínu á öruggu svæði í grösugum og fallegum fjöllum. Boðið verður upp á að vera á tjaldsvæði annars vegar og innanhúss hinsvegar. Þátttakandi þarf að tala reiprennandi ensku.

 ATH! Umsóknafrestur er til 28.mars.

Alþjóðaráð KFUM og KFUK á Íslandi mun fara yfir umsóknirnar og velja úr. Allir umsækjendur verða látnir vita hvort þeir hafi komist að eða ekki. Að lokum mun KFUM og KFUK sækja um að fá að senda viðkomandi einstaklinga á námskeiðið.
Þegar farið er í gegnum umsóknir sem berast fyrir þátttöku á viðburðum erlendis á vegum Alþjóðaráðs KFUM og KFUK á Íslandi eru nokkur atriði sem spila inn í valið á þátttakanda.

-Sú þekking sem af viðburðunum hlýst þarf að nýtast þeim einstaklingi sem það sækir og félaginu í heild.
-Einstaklingurinn þarf að vera virkur sjálfboðaliði og/eða starfsmaður innan félagsins, þekkja stefnu þess og starf og bera hag þess fyrir brjósti.
-Valið byggir að mestu leyti á þeirri umsókn sem umsækjendur skila inn. Gæði umsóknar og vandvirkni við vinnslu hennar skipta miklu máli.
-Reynt er að kynna sér einstaklinginn með því að spyrjast fyrir um hann.
-Þekking, reynsla eða sérstakur áhugi á því sem námskeiðið fjallar um er ávallt plús.

 

Ef óskað er eftir nánari upplýsingum hafið samband við Dagrúnu Lindu með tölvupósti á dagrun1992@gmail.com