Námskeið um eflingu starfshæfni ungs fólks

Námskeið um eflingu starfshæfni ungs fólks

  • Þriðjudagur 14. júlí 2015
  • /
  • Fréttir

Alþjóðaráð KFUM og KFUK hvetur leiðtoga og áhugasamt félagsfólk að sækja um námskeið um eflingu starfshæfni ungs fólks. Námskeiðið er fyrir æskulýðsleiðtoga og aðra sem vinna með ungu fólki. Markmiðið er að auka hæfni þeirra til að styðja ungt fólk í að þekkja hæfileika sína og getu.

Nafn viðburðar:  Employability: How does it work for Yout(th)?
Skipuleggjandi: Erasmus+ í Lúxemborg og Evrópa unga fólksins (EUF)
Dagsetning: 27. október til 1. nóvember 2015
Staðsetning: Beaufort, Lúxemborg
Kostnaður sem fellur á þátttakanda: 10% af ferðakostnaði og 10.000 kr. umsýslugjald
Aldurstakmörk: 20 ára og eldri

Umsóknarfrestur: 1. ágúst

Nánari upplýsingar:
Námskeiðið byggir á óhefðbundnum kennsluaðferðum (non-formal education) og þjálfar þátttakendur í að nota æskulýðsstarf til að þróa og efla starfshæfni ungs fólks. Einnig verður farið í það hvernig æskulýðsstarf og æskulýðsstarfsmenn geta eflt starfshæfni ungs fólks. Markmiðið með námskeiðinu er að útskýra hvað starfshæfni (e. employability) felur í sér, skoða í hverju hlutverk æskulýðsfulltrúa er falið í sambandi við að ungt fólk þekki þá þætti sem metnir eru til starfshæfni og komast að því hvernig óhefðbundnar kennsluaðferðir nýtast til að þekkja þessa þætti. Einnig verður lögð áhersla á að þátttakendur deili þekkingu sinni og hugmyndum.

Hér má lesa meira um námskeiðið.

Alþjóðaráð KFUM og KFUK á Íslandi mun fara yfir umsóknirnar og velja úr. Allir umsækjendur verða látnir vita hvort þeir hafi komist að eða ekki. Að lokum mun KFUM og KFUK sækja um að fá að senda viðkomandi einstaklinga á námskeiðið.
Þegar farið er í gegnum umsóknir sem berast fyrir þátttöku á viðburðum erlendis á vegum Alþjóðaráðs KFUM og KFUK á Íslandi eru nokkur atriði sem spila inn í valið á þátttakanda.

-Sú þekking sem af viðburðunum hlýst þarf að nýtast þeim einstaklingi sem það sækir og félaginu í heild.
-Einstaklingurinn þarf að vera virkur sjálfboðaliði og/eða starfsmaður innan félagsins, þekkja stefnu þess og starf og bera hag þess fyrir brjósti.
-Valið byggir að mestu leyti á þeirri umsókn sem umsækjendur skila inn. Gæði umsóknar og vandvirkni við vinnslu hennar skipta miklu máli.
-Reynt er að kynna sér einstaklinginn með því að spyrjast fyrir um hann.
-Þekking, reynsla eða sérstakur áhugi á því sem námskeiðið fjallar um er ávallt plús.

 

Ef óskað er eftir nánari upplýsingum hafið samband við Önnu Elísu með tölvupósti á annae89(hjá)gmail.com