Vatnaskógur: Fyrsti dagur í ævintýrum

Vatnaskógur: Fyrsti dagur í ævintýrum

  • Þriðjudagur 15. júlí 2014

Það voru þreyttir drengir sem lögðust á koddann sinn um kl. 23 í gærkvöldi eftir viðburðaríkan fyrsta dag í ævintýraflokki í Vatnaskógi. Dagskráin í gær var þó með hefðbundnum hætti og fátt sérlega ævintýralegt í gangi. Við buðum m.a. upp á skógargöngur, kassabílarallý, frjálsar íþróttir, skák, knattspyrnu, báta, kvöldvaka og smíðaverkstæði. Í viðbót við hefðbundna dagskrá í dag, verður síðan fjársjóðsleit og orusta svo eitthvað sé nefnt. 

Annars hefur flokkurinn farið vel á stað, drengjunum hefur gengið vel að aðlagast umhverfinu og finna sér verkefni við hæfi, þó þeir hafi vissulega verið orðnir þreyttir í gærkvöldi.

Ljósmyndir úr flokknum eru á myndasíðu Vatnaskógar.

Upplýsingar um starfið

Dagskráin í Vatnaskógi er römmuð inn af reglulegum matartímum og föstum dagskrárliðum. Í ævintýraflokkum er dagskráin eftirfarandi á hefðbundnum degi:

  • 8:30 Vakið
  • 9:00 Morgunverður
  •            Fánahylling
  •            Morgunstund
  •           Biblíulestur
  • 10:30 Frjáls dagskrá
  • 12:00 Hádegisverður
  •               Frjáls dagskrá
  • 15:30 Kaffitími
  •              Frjáls dagskrá
  • 19:00 Kvöldverður
  •               Frjáls dagskrá
  • 20:30 Kvöldvaka
  •              Kvöldkaffi
  •              Kapellustund (frjáls mæting)
  • 22:45 Kyrrð í svefnsölum