Námskeið um nýjar leiðir til að nálgast ungt fólk í æskulýðsstarfi

  • Fimmtudagur 6. mars 2014

Alþjóðaráð KFUM og KFUK hvetur leiðtoga og áhugasamt félagsfólk að sækja um þátttöku á námskeiðinu Plug In sem haldið verður í Kaupmannahöfn í Danmörku í maí nk. Á námskeiðinu kemur saman hópur fólks víðsvegar að úr Evrópu og skoðar hvernig unnt er að nálgast ungmenni í netsamfélaginu sem við búum í í dag.

Nafn viðburðar:  Plug In
Skipuleggjandi: Danish Agency for Higher Education
Dagsetning: 19. – 22. maí 2014
Staðsetning: Kaupmannahöfn, Danmörku
Kostnaður sem fellur á þátttakanda: 15.000 kr.
Aldurstakmörk: Engin

Nánari upplýsingar:
Á námskeiðinu verða skoðaðar ólíkar leiðir til að nálgast ungt fólk sem er erfitt að ná til. Athugað verður hvernig unnt er að nota internetið við æskulýðsstarf og nota hæfileika ungs fólk á netinu. Námskeiðið fer fram á ensku.

Þátttakendur verða 35 talsins alls staðar að úr Evrópu.

Skipuleggjendur (Danish Agency for Higher Education í samvinnu við Youth in Action) greiða fæði og uppihald á staðnum ásamt ferðakostnaði til og frá Kaupmannahöfn. Kostnaður þátttakenda er 15.000 kr. (5.000 kr. þátttökugjald til Evrópu unga fólksins og 10.000 kr. umsýslugjald til KFUM og KFUK á Íslandi).

Umsóknarfrestur: 19. mars 2014

Alþjóðaráð KFUM og KFUK á Íslandi mun fara yfir umsóknirnar og velja úr. Allir umsækjendur verða látnir vita hvort þeir hafi komist að eða ekki. Að lokum mun KFUM og KFUK sækja um að fá að senda viðkomandi einstaklinga á námskeiðið.
Þegar farið er í gegnum umsóknir sem berast fyrir þátttöku á viðburðum erlendis á vegum Alþjóðaráðs KFUM og KFUK á Íslandi eru nokkur atriði sem spila inn í valið á þátttakanda.

-Sú þekking sem af viðburðunum hlýst þarf að nýtast þeim einstaklingi sem það sækir og félaginu í heild.
-Einstaklingurinn þarf að vera virkur sjálfboðaliði og/eða starfsmaður innan félagsins, þekkja stefnu þess og starf og bera hag þess fyrir brjósti.
-Valið byggir að mestu leyti á þeirri umsókn sem umsækjendur skila inn. Gæði umsóknar og vandvirkni við vinnslu hennar skipta miklu máli.
-Reynt er að kynna sér einstaklinginn með því að spyrjast fyrir um hann.
-Þekking, reynsla eða sérstakur áhugi á því sem námskeiðið fjallar um er ávallt plús.

Ef óskað er eftir nánari upplýsingum hafið samband við Birgi með tölvupósti á birgir(hjá)kfum.is

Umsókn um þátttöku á námskeiðinu