Námskeið fyrir ungt fólk um þátttöku þeirra í samfélaginu

  • Þriðjudagur 8. október 2013

Alþjóðaráð KFUM og KFUK hvetur leiðtoga og áhugasamt félagsfólk að sækja um námskeið sem verður haldið í Frakklandi um þátttöku ungs fólks í samfélaginu og aðgengi að félagslegum réttindum. Námskeiðið er haldið á vegum Evrópuráðsins (Council of Europe) og er hluti af verkefinu Enter! sem Evrópuráðið stendur einnig fyrir.

Nafn viðburðar: Local Youth Participation and Access to Social Rights for All Young People: Which Ways Forward?
Skipuleggjandi: Evrópuráðið (Council of Europe)
Dagsetning: 13. – 15. nóvember 2013
Staðsetning: : Strasbourg, Frakklandi
Kostnaður sem fellur á þátttakanda: 10.000 kr. umsýslukostnaður. Evrópuráðið greiðir þátttökugjald (gisting og dagskrá) og endurgreiðir þátttakendum ferðakostnað.
Aldurstakmörk: 18 – 30 ára.
Nánari upplýsingar:
Námskeiðið er hluti af Enter! verkefni Evrópuráðsins sem vinnur að aðgengi ungs fólks að félagslegum réttindum, sérstaklega þeim sem búa við mismunun, ofbeldi og félagslega útskrúfun. Á námskeiðinu verður rætt hvernig ungt fólk getur aukið aðgengi sitt og jafnaldra sinna að félagslegum réttindum í samfélaginu.

Þátttakendur á námskeiðinu verða um 40 talsins, leiðtogar og starfsfólk í æskulýðsstarfi og annað ungt fólk. Námskeiðið verður haldið á ensku og frönsku (færni í annað hvort ensku eða frönsku er krafist).

Markmiðið er að finna leiðir til að tryggja og styðja við þátttöku ungs fólks í ákvörðunum sem teknar eru um þau og aðra sem skipta þau máli, til að tryggja að ungt fólk hafi aðgang að félagslegum réttindum.

Nánari upplýsingar um námskeiðið (pdf skjal á ensku) má fá með því að senda póst á Önnu Elísu (sjá hér fyrir neðan).

ATH! Umsóknafrestur er mjög stuttur, eða til miðnættis föstudaginn 11. október.

Alþjóðaráð KFUM og KFUK á Íslandi mun fara yfir umsóknirnar og velja úr. Allir umsækjendur verða látnir vita hvort þeir hafi komist að eða ekki. Að lokum mun KFUM og KFUK sækja um að fá að senda viðkomandi einstaklinga á námskeiðið.
Þegar farið er í gegnum umsóknir sem berast fyrir þátttöku á viðburðum erlendis á vegum Alþjóðaráðs KFUM og KFUK á Íslandi eru nokkur atriði sem spila inn í valið á þátttakanda.

-Sú þekking sem af viðburðunum hlýst þarf að nýtast þeim einstaklingi sem það sækir og félaginu í heild.
-Einstaklingurinn þarf að vera virkur sjálfboðaliði og/eða starfsmaður innan félagsins, þekkja stefnu þess og starf og bera hag þess fyrir brjósti.
-Valið byggir að mestu leyti á þeirri umsókn sem umsækjendur skila inn. Gæði umsóknar og vandvirkni við vinnslu hennar skipta miklu máli.
-Reynt er að kynna sér einstaklinginn með því að spyrjast fyrir um hann.
-Þekking, reynsla eða sérstakur áhugi á því sem námskeiðið fjallar um er ávallt plús.

Ef óskað er eftir nánari upplýsingum hafið samband við Önnu Elísu með tölvupósti á annae89(hjá)gmail.com.

Umsókn um þátttöku í ráðstefnunni