Spennandi námskeið fyrir ungt fólk í Gdynia

  • Laugardagur 21. september 2013

Alþjóðaráð KFUM og KFUK hvetur leiðtoga og áhugasamt félagsfólk að sækjum um námskeið sem verður haldið í Póllandi um ungmennaskipti á vegum Evrópu Unga Fólksins.

Nafn viðburðar: Link it!
Skipuleggjandi: YES og YMCA Europe
Dagsetning: 27. – 30. nóvember 2013
Staðsetning: Gdynia, Póllandi
Kostnaður sem fellur á þátttakanda: 60 % ferðakostnaðar ásamt 10.000 kr. umsýslukostnaði.
Aldurstakmörk: 18 – 30 ára.
Nánari upplýsingar:
Þetta námskeið er kjörið fyrir þá sem hafa áhuga á Evrópustarfi KFUM og KFUK. Auk þess að fræðast um ungmennahóp YMCA Europe, YES, þá verða hér kynntar nýar leiðir til að láta hugmyndir sínar verða að veruleika, rætt um hvernig við getum breytt heiminum til hins betra og samfélagslegar skyldur okkar skoðaðar. Einnig verður staðsetning námskeiðsins nýtt og fjallað verður um kommúnismann sem þar réð ríkjum á seinni hluta síðustu aldar, áhugaverðir staðir heimsóttir og spjallað við merkilega einstaklinga sem deila með okkur sinni sögu og upplifunum.

40 % flugfargjaldins er endurgreitt. Athugið að hámarksendurgreiðsla er 100 € (um 16.000 kr.). Auk þess þarf að greiða umsýslukostnað að upphæð 10.000 krónum. Námskeiðsgjaldið (+ fæði og uppihald) er greitt með styrk frá European Youth Foundation.

ATH! Umsóknafrestur er mjög stuttur, eða til miðnættis á þriðjudaginn – 24. september.

Alþjóðaráð KFUM og KFUK á Íslandi mun fara yfir umsóknirnar og velja úr. Allir umsækjendur verða látnir vita hvort þeir hafi komist að eða ekki. Að lokum mun KFUM og KFUK sækja um að fá að senda viðkomandi einstaklinga á námskeiðið.
Þegar farið er í gegnum umsóknir sem berast fyrir þátttöku á viðburðum erlendis á vegum Alþjóðaráðs KFUM og KFUK á Íslandi eru nokkur atriði sem spila inn í valið á þátttakanda.

-Sú þekking sem af viðburðunum hlýst þarf að nýtast þeim einstaklingi sem það sækir og félaginu í heild.
-Einstaklingurinn þarf að vera virkur sjálfboðaliði og/eða starfsmaður innan félagsins, þekkja stefnu þess og starf og bera hag þess fyrir brjósti.
-Valið byggir að mestu leyti á þeirri umsókn sem umsækjendur skila inn. Gæði umsóknar og vandvirkni við vinnslu hennar skipta miklu máli.
-Reynt er að kynna sér einstaklinginn með því að spyrjast fyrir um hann.
-Þekking, reynsla eða sérstakur áhugi á því sem námskeiðið fjallar um er ávallt plús.

Ef óskað er eftir nánari upplýsingum hafið samband við Tinnu Rós með tölvupósti á tinnarosst(hjá)gmail.com.

Umsókn um þátttöku í ráðstefnunni