Námskeið um alþjóðleg ungmennaskipti

  • Miðvikudagur 28. ágúst 2013

Alþjóðaráð KFUM og KFUK hvetur leiðtoga og áhugasamt félagsfólk að sækjum um námskeið sem verður haldið á Írlandi um ungmennaskipti á vegum Evrópu Unga Fólksins.

Nafn viðburðar: BiTriMulti (BTM) in Ireland – Multilateral Training Course for newcomers in youth exchanges
Skipuleggjandi: Evrópa unga fólksins. (YiA National Agency Ireland)
Dagsetning: 27. nóvember – 1. desember 2013
Staðsetning: Írlandi
Fjöldi fulltrúa frá KFUM og KFUK á Íslandi: 1
Kostnaður sem fellur á þátttakanda: 5000 krónur í þátttökugjald ásamt 10.000 kr. umsýslukostnaði, samtals 15.000 kr.
Aldurstakmörk: 18 – 30 ára.
Nánari upplýsingar:
Þetta námskeið er hugsað fyrir æskulýðsleiðtoga.
Helstu markmið námskeiðsins er að þátttakendur læri inn á ungmennaskipti og hljóti þjálfun í að koma slíkum skiptum á fót. Námskeiðið er sérsniðið fyrir æskulýðsleiðtoga sem eru að stíga sín fyrstu skref í ungmennaskiptum.

Þátttökugjald upp á 5.000 kr. ásamt 10.000 kr. umsýslugjaldi fellur á þátttakanda. Flug, fæði og gisting er greitt af Evrópu Unga Fólksins.

ATH! Umsónarfrestur rennur út miðvikudaginn 4. september.

Alþjóðaráð KFUM og KFUK á Íslandi mun fara yfir umsóknirnar og velja úr. Allir umsækjendur verða látnir vita hvort þeir hafi komist að eða ekki. Að lokum mun KFUM og KFUK sækja um að fá að senda viðkomandi einstaklinga á námskeiðið.
Þegar farið er í gegnum umsóknir sem berast fyrir þátttöku á viðburðum erlendis á vegum Alþjóðaráðs KFUM og KFUK á Íslandi eru nokkur atriði sem spila inn í valið á þátttakanda.

-Sú þekking sem af viðburðunum hlýst þarf að nýtast þeim einstaklingi sem það sækir og félaginu í heild.
-Einstaklingurinn þarf að vera virkur sjálfboðaliði og/eða starfsmaður innan félagsins, þekkja stefnu þess og starf og bera hag þess fyrir brjósti.
-Valið byggir að mestu leyti á þeirri umsókn sem umsækjendur skila inn. Gæði umsóknar og vandvirkni við vinnslu hennar skipta miklu máli.
-Reynt er að kynna sér einstaklinginn með því að spyrjast fyrir um hann.
-Þekking, reynsla eða sérstakur áhugi á því sem námskeiðið fjallar um er ávallt plús.

Ef óskað er eftir nánari upplýsingum hafið samband við Sólveigu með tölvupósti á solveig.reynisdottir1(hjá)reykjavik.is

Umsókn um þátttöku í ráðstefnunni