Fræðsluerindi um einelti, forvarnir og úrvinnslu eineltismála

  • Þriðjudagur 26. febrúar 2013
  • /
  • Fréttir

Ekki meir eineltisáætlun - eineltiÆskulýðsvettvangurinn (ÆV) samstarf Ungmennafélags Íslands, KFUM og KFUK á Íslandi, Bandalagi íslenskra skáta og Slysavarnarfélagsins Landsbjörg stendur að fræðsluerindum um einelti, forvarnir og úrvinnslu eineltismála í tengslum við Aðgerðaáætlun Æskulýðsvettvangsins gegn einelti og annarri óæskilegri hegðun.

Fyrirlesari er Kolbrún Baldursdóttir sálfræðingur og höfundur EKKI MEIR. EKKI MEIR er leiðarvísir í aðgerðum gegn einelti fyrir starfsfólk skóla, íþrótta- og æskulýðsfélög, foreldra og börn. Það sem Kolbrún fjallar um er:

  • Staðarmenningin og starfsfólkið.
  • Forvarnir gegn einelti á vinnustöðum, skólum og í félögum.
  •  Birtingamyndir eineltis.
  • Þolandinn/gerandinn, aðstæður og persónueinkenni.
  • Afleiðingar eineltis á sjálfsmyndina.
  • Viðbrögð við kvörtun um einelti, vinnsla málsins frá tilkynningu til málaloka.
  • Helstu mistök í eineltismálum.

Fræðsluerindin verða haldin eins og hér segir: 

  • Akranes, fimmtudagur 28. febrúar kl. 19.30 – 21.00 að Íþróttamiðstöðinni Jaðarsbökkum.
  •  Mosfellsbær, fimmtudagur 7. mars kl. 19.30 – 21.00 í sal yngri deildar Varmárskóla.
  •  Garðabær, fimmtudagur 21. mars kl. 19.30 – 21.00 í Stjörnuheimilinu.
  •  Kópavogur, óstaðfest.
  • Sauðárkrókur, fimmtudagur 4. apríl kl. 17.00 – 18.30 í Húsi frítímans.

Léttar kaffiveitingar í boði.