Hátíðar- og inntökufundur KFUM og KFUK þriðjudaginn 12. febrúar

  • Mánudagur 11. febrúar 2013

Hinn árlegi Hátíðar- og inntökufundur KFUM og KFUK verður haldinn í húsi félagsins að Holtavegi 28 í Reykjavík þriðjudaginn 12. febrúar.

Þá verða nýir félagar boðnir sérstaklega velkomnir við glæsilega og hátíðlega athöfn.

Húsið opnar kl. 18.30 með fordrykk. Á meðan á fordrykk stendur mun Katla Þórarinsdóttir sýna loftfimleika. Borðhald hefst kl. 19.00. Karlakór KFUM mun syngja nokkur lög. Jóhanna Elísa Skúladóttir ásamt litlum kór mun flytja lagið You Raise Me Up, en hún keppti með það lag í söngvakeppni Menntaskólans í Reykjavík á dögunum. Magnea Sverrisdóttir flytur hugleiðingu. Veislustjórn verður í höndum Höllu Gunnarsdóttur og Hjördísar Kristinsdóttur.

Matseðill kvöldsins er:

Forréttur: Rjómalöguð sveppasúpa

Aðalréttur: Lambalæri með meðlæti og piparsósu

Eftirréttur: Marengsterta og kaffi

Verð er 4.300 krónur. Hægt er að skrá sig með því að hringja í Þjónustumiðstöð KFUM og KFUK í síma 588-8899.
Allir félagsmenn eru hvattir til að mæta og eiga saman notalega kvöldstund og taka vel á móti nýjum félögum.