Verndum þau – námskeið

  • Föstudagur 20. apríl 2012
  • /
  • Fréttir

Verndum þau - mynd af bókinniMiðvikudaginn 25. apríl verður námskeiðið Verndum þau haldið í húsi KFUM og KFUK á Holtavegi 28 kl. 17:30. Námskeiðið er skyldunámskeið fyrir allt sumarbúðastarfsfólk KFUM og KFUK á komandi sumri en er jafnframt opið öllum þeim sem starfa á meðal barna og ungmenna.

Á námskeiðinu verður farið yfir hvernig bregðast skal við grun um hvers kyns ofbeldi eða vanrækslu gegn börnum eða unglingum. Afar mikilvægt er að þau sem starfa með börnum og unglingum þekki viðeigandi viðbrögð, komi slík mál upp í starfinu. Hægt er að skrá sig á námskeiðið með því að senda tölvupóst á skrifstofa@kfum.is, hringja í síma 588-8899 (Þjónustumiðstöð KFUM og KFUK) eða með því að skrá sig á Facebook [https://www.facebook.com/events/357917480909998/].

Kennari á námskeiðinu verður Ólöf Ásta Farestveit, sem hefur víðtæka reynslu af barnaverndarmálum, og er annar af tveimur höfundum bókarinnar Verndum þau.

Boðið verður upp á kvöldmat á námskeiðinu og því er mikilvægt að skrá sig, en námskeiðið er öllum opið.