Unglingalandsmót KFUM og KFUK (smámynd)Unglingalandsmót KFUM og KFUK hefst með formlegum hætti með kvöldvöku í Vatnaskógi kl. 21:00 í kvöld þar sem hljómsveitin Tilviljun? leiðir söng, Helga Frímann og Pétur Ragnhildarson stjórna fjörinu og Guðni Már Harðarson verður með hugleiðingu.

Á mótinu verður boðið upp á fjölbreytta dagskrá, fræðslustund, spjallhópa, íþróttir, gönguferð, diskótek og danskennslu, það verða kvikmynda- og myndbandstökuhópar og margt fleira.

Mótsnefnd að þessu sinni er skipuð Öllu Rún Rúnarsdóttur leiðtoga úr unglingastarfi KFUM og KFUK í Fella- og Hólakirkju, Thelmu Dögg Haraldsdóttur leiðtoga úr starfinu í Mosfellsbæ og Daníel Bergmann leiðtoga úr unglingadeildinni í Grensáskirkju. Þeim til skrafs og ráðagerða var Elli á æskulýðssviði.