,,Tölum saman – verum saman“ : Dagskrá fyrir foreldra og unglinga á Hólavatni 6.nóvember!

  • Miðvikudagur 27. október 2010
  • /
  • Fréttir

Nú er skráning í fullum gangi á viðburðinn ,,Tölum saman – verum saman“, laugardagsdagskrá á Hólavatni í nágrenni Akureyrar sem fram fer þann 6.nóvember næstkomandi.
Á þessum degi verður boðið upp á dagskrá fyrir foreldra og unglinga, sem felur í sér samveru, mat og fræðslu við allra hæfi í fögru umhverfi Hólavatns. Um er að ræða einstakt tækifæri til að efla tengsl foreldra og unglinga.
Farið verður með rútu frá Sunnuhlíð á Akureyri kl. 10 að morgni þann 6.nóvember, og komið þangað aftur kl. 17. Verð er kr. 3.000 á hvern þátttakanda og fer skráning fram hjá Þjónustumiðstöð KFUM og KFUK á Íslandi, í síma 588-8899 og á netfangið skraning(hjá)kfum.is. Einnig er hægt að ganga frá skráningu og greiðslu á netinu, á þessari slóð: http://skraning.kfum.is/ Hér fyrir neðan má sjá dagskrá ,,Tölum saman – verum saman“.
Dagskrá
10.00 Brottför frá Sunnuhlíð með rútu
10.30 Komið að Hólavatni – Stutt dagskrárkynning og molasopi/djús og kleinur
11.00 Samhristingur og traustleikir úti í fjölbreyttu landslagi og umhverfi sumarbúðanna
þar sem foreldrar og unglingar takast á við skemmtileg verkefni sem reyna á
samvinnu, traust og hvatningu.
12.15 Hádegisverður
13.00 Fyrir foreldrana
Er unglingaveiki á þínu heimili? Gylfi Jón Gylfason, sálfræðingur
Fyrir unglingana
Innlegg Sólveigar Fríðu, sálfræðings um jákvæða sjálfsmynd og mikilvægi þess
að standa með sjálfum sér. Umræður um samskipti, vináttu, traust og fleira.
14.15 Traust og virðing í samskiptum
– Mæðgurnar Arnrún Magnúsdóttir og Karen Ösp Friðriksdóttir 18 ára deila
reynslu sinni af samskiptum og tengslum í gegnum umrót unglingsáranna.
15.00 Frjáls tími til samræðna, útiveru eða bara slökunar.
15.30 Miðdegiskaffi og nokkur lokaorð
17.00 Heimkoma
Allar nánari upplýsingar um verkefnið veitir Jóhann Þorsteinsson, sviðsstjóri æskulýðssviðs KFUM og KFUK í síma 6994115 og á netfangið johann(hjá)kfum.is .